Njɔyn 6:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Njɔyn 6:40 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Tom èchùŋ kè kə Lûk tè nyaʼ 2:30

kûmə̀ nə shi ghɨmghe ə fe kə ò tè sɔzâ əghɨ ghɛ

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Njɔyn 11:24

Maltà ə pìə sê vəyn nə, “M ke ndô nə è tə zômə̀ etuʼ e kwuŋsəve.”

Njɔyn 11:25

Njisə̀s ə pìə sê vəyn nə, “Ə̀ nyi Mi è zomsêzè, ə̀ nyi Mi èndamze. Ghɨ ghɛ ə pomə se Mi nə̀ ndamə, pi kə ghənə nyi mə ə kwu.

Njɔyn 12:45

Ə̀ fe pindè mi, ə ə̀ nyi mə è və fe kepî wùə vɛ è tom mi.

Njɔyn 12:50

M ke ndô nə nâʼà pî ghè vɛ ə è tsàyn nə M pi nyîə pə̂ èndam zɛ ə ze tə mîə va. E za nyi nə ghɛ zɛ M pîə nyi eghɛ zɛ ə Pɨ̀a nyi mə È və tsàyn nə M pi.”

Njɔyn 14:17

Tsàmtè nə vɨ̂yn nyi Sezuʼ sɛ ə se tyə̂nə̀ paynsə səmɔʼ kûmə̀ Fèzhə̀. Ghɨ mbiə vayn kàʼa fi Tsàmtè nə vɨ̂yn kûmə̀ nə ghənə fe va vəyn, ke va vəyn. Sê ghàyn, ghàyn ke ndô vəyn kûmə̀ nə è ndamə ghâynghə̀ ghənə, nyi se nə̀yn sə̂ nyi ə ghàyn ewìyn.

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Njɔyn 6:44

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Njɔyn 8:56

Pɨ̀a vâyn Aplàghâm tè nyiə saŋnə̂ nə è tə fe fètuʼ fɛ M tə pə̂ ətəyn. Ə fe fəynfe sè saŋnə̂.”

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ipilù 11:1

Sə̂ kyi èkyî epomə̂zè nyì nə fɨa vɛ ə ghâsènì kwàʼtə̀ lɨmtə vəynve, ghâsènì nyîə ke səmɔʼ nə ə tə kyiə vəynve. Pomə̂zè nyi sə̂ ke səmɔʼ nə fɨake nyiə nyi nâʼà pî kə ò pa tsɨs ndɔ̀ʼɔ ò fe fɨa ətəynke è shize

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.