Njɔyn 6:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Njɔyn 6:39 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 18:14

E za nyì kepî èghəs kə Pɨ̀a vâynvè e ekwùtwəyn kɔ̂ŋɔ̀ va nə nâʼà vayn emɔ̀ʼ fa fètə̂ ə̀ghɔyn etətə̂ njìsè.”

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 17:9

M tsə̀mə̀ se ghənə. M tsə̂mə̀ chiva se ghɨə mbiə, pîza se ghɨ ghɛ ə Ò fo sê Mi, kûmə̀ nə ə̀ nyi əghɨ ghɛghe.

Njɔyn 18:9

È və pìə nyi kə ghɛ zɛ ə È tè pì sê Pɨ̀a Vəyn kwəyn nə, “Pɛ̂, M tè pâʼà njìsè maʼà nâʼà wùə èmɔ̀ʼ əfètə̂ ə̀ghɨ̀ ghɛ ə Ô tè fo sê Mi.”

Njɔyn 5:28

Kə ghàyn ə nyi è kaynze kûmə̀ zɨ̂nə mə; shîŋə̀kè nyiə pə̂ mə ghɨ ekwuə nâʼà ə̀kɨ̂m tə zɨə èwâmnè ə Vəyn,

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Njɔyn 6:44

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

1 Kɔlìŋ 6:14

Zhə̀fè tè zòmsè Pɛ̂pɛ, nyi se tə zômsə̀ kəpî ghâsènì ə vəyn ə atyaʼ.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Njə̂m 5:15

Ə ghənə piə ə tsə̂mə̀ ndò ə kyîə èkyî pomə̂zè nə Pɛ̂pɛ nə̀ tsuʼə wùə ə̀təyn, ə Pɛ̂pɛ tsuʼ vəyn ə e ndwise vəyn ekwì ezafəve, ə̀ nyi pî mə è tè nəyn pi, ə lɛse fo vəyn.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.