Njɔyn 6:37 - Ŋwàʼlè ə̀ Fèzhə̀ Mkâyn Mə̂ Fèm

³⁷ Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:37 ပူးပေါင်းရင်းမြစ်များ

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 6:39

Ə̀ nyi èkɔ̂ŋ ə vɛ È tom Mi nə, kə M njise nâʼà èmɔ̀ʼ əfètə̂ ghɛ ə È fo sê Mi əkɨ̂m, pîza nə M zomse ghənə əkɨ̂m endam ə fetuʼfe kwuŋsəfe.

Njɔyn 6:65

È və kwəynsə̂ nə, “Ə̀ zɨnə nyì kepî èghɛ zɛ M tè tsàyn sê ghàyn kə M tè pi nə, ghɨ yîghe vayn kaʼa ə ghe pəyn se Mi ə̀ tsɛ̂ kə va mə Pɨ̀a Vɨ̂m və nə̀yn nə ghənə pəyn sê Mi.”

Njɔyn 9:34

Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.