Njɔyn 6:33 - Ŋwàʼlè ə̀ Fèzhə̀ Mkâyn Mə̂ Fèm

³³ Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:33 ပူးပေါင်းရင်းမြစ်များ

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 3:13

Nâʼà wùə èmɔ̀ʼ pâʼà tyəmə̂ kɔʼɔ ekwùtwəyn, ə̀ tsɛ̂ kə va Va Wùə, kə È tè ndò ekwùtwəyn ə tso pə̂ ə chi.

Njɔyn 6:32

Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:48

M nyi apayn ə kwaŋ kɛ ə ke fo ndamze.

Njɔyn 6:50

Pîza payn ə kwaŋ kɛ ə ke ndô pə̂ ekwùtwəyn nyi kɛ ə zhi nâʼàpî ndè kəynke, ə è tə tàʼa kwu.

Njɔyn 6:58

Ə̀ za nyi nə M nyi apayn ə kwaŋ kɛ ə ke ndô pə̂ ekwùtwəyn, M vachi kə apayn ə kwaŋ kɛ pɨ̀a əpɨ̀a ghaynghe tè zhi, pîza ghənə ə kwuə. Pîza nâʼàpî ndè vɛ ə è nə̀ zhi wiyn Vɨmve nə̀ ndamə faŋə.”

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.