Njɔyn 6:32 - Ŋwàʼlè ə̀ Fèzhə̀ Mkâyn Mə̂ Fèm

³² Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Njɔyn 6:32 ပူးပေါင်းရင်းမြစ်များ

Njɔyn 1:9

Kyə̀ nə zɨnə tè nyì kàyntè èpayn zɛ ə ze tyə̂ payn sê ghɨ ghəkɨ̂m. Ə̀ tè nyi Vəyn vɛ ə è tè pəyn ə mbi.

Njɔyn 15:1

Njisə̀s ə tè pì nə, “M nyi kàyntə̀ fèkàʼ fə etwɔmfe, Pɨ̀a vɨmve nyi pɛ̀ àfùʼ.

Njɔyn 6:31

Ghə̀pɨ̀a ə pɨ̀a ghasə ə tə zhi fɨazhiə vɛ ə tɔŋtə nə manà zâ elùʼ ashəshəve, kè eghɨ kə Ŋwàʼlè ə̀ Fèzhə̀ pìə nə, ‹È və fo fɨa zhiəve mə ve ndo ekwùtwəyn, nə ghənə zhi.›”

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:50

Pîza payn ə kwaŋ kɛ ə ke ndô pə̂ ekwùtwəyn nyi kɛ ə zhi nâʼàpî ndè kəynke, ə è tə tàʼa kwu.

Njɔyn 6:55

Kûmə̀ nə wiyn vɨm nyi kàyntè àpayn ə kwaŋke, ndə̂m mə̂m me nyi kàyntè afɨa ə mɨəke.

Njɔyn 6:58

Ə̀ za nyi nə M nyi apayn ə kwaŋ kɛ ə ke ndô pə̂ ekwùtwəyn, M vachi kə apayn ə kwaŋ kɛ pɨ̀a əpɨ̀a ghaynghe tè zhi, pîza ghənə ə kwuə. Pîza nâʼàpî ndè vɛ ə è nə̀ zhi wiyn Vɨmve nə̀ ndamə faŋə.”

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.