Njɔyn 6:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ghənə ə pə̀ynsə̀ sê Vəyn nə, “Ə̀ nyi chwìə èkè ə Ò kaʼa Ò nəyn kə ghàs fe ə pomə ghô ə? Ò kàʼa Ò ghayn tso nâʼà ghe?

Njɔyn 6:30 ပူးပေါင်းရင်းမြစ်များ

Ŋwàʼlè ə̀ Mâk 15:32

Ghâsènì fe vɛ Zhə̀fè chɔʼ, ə fɔ̀yn ə̀ghɨ̀ Isìlâyghè, ə è tso pəyn awâmnè zôyn, ə ghâsènì sê pomə Vəyn.” Ghɨ echɔŋə ghɛ ə tè paynte awâmnè ə Njisə̀s etipì e pɔŋɔ sôylə̀ kəpî Vəyn.

Ŋwàʼlè ə̀ Mâk 8:11

Ghɨə Falàsî ghə pə̀ sè saʼnə̂ ə̀ghɛ yîghə̀ Njisə̀s. Pfɨtə̂ se ghâmə̀ vəyn pîə nə è nəyn ghɛ ekaynə zhîze sə chwìə se tyə̀yn nə È ndò pə̂yn sè Zhə̀fè.

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 12:37

Pî kə nɔ̂yn ə ghɨ̀ nə kɨ̂yn tè fe ghɛ kayntə ghɛ ə Njisə̀s tè nə̂ ə̀kɨ̂m, ghənə ə tàʼa pa pomə̂ sê Vəyn.

Njɔyn 2:18

Ghɨ Njûs ə ghaʼâ ghɛ ə kɛsə̂ pə̂ sê Vəyn ə pfɨfə nə, “Ò kàʼa ə ò nəyn ghɛ ekaynə èkè se tyə̀yn sê ghàs nə ò kyi ndô tyaʼa se nə̀yn əghɛ ghɨ̀ynə.”

Njɔyn 4:8

Ə̀ tè nyì famə ashìŋə̀ mə chùmtè èpàm sə vəynse ə nji ndûə ə tɔ̂ŋ se zhɔyn èfɨazhiəve.

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 6:2

Nɔ̂yn ə ghɨ̀kè e chûmtə̀ Vəyn, kûmə̀ nə ghənə tè nyi mə ə fe ghɛ ə kayntə ghɛ ə è tè nə̂, tsuʼə ə̀ghɨ ezafə.

Njɔyn 6:36

Zôyn, Mə tè tsàyn sê ghàyn nə, ghàyn ə fe Mi pîza ə tàʼa pomə̂ sê Mi.

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

1 Kɔlìŋ 1:22

Ghɨ Njûsə̀ kyiŋə kə sèchwìə se kaynəse, ghɨ Nglêkghè e kyiŋə sə̂ kyi etɔf eghaʼâzè,

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.