Njɔyn 6:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Njisə̀s ə pə̀ynsə̀ nə, “Ghɛ zɛ ə Zhə̀fè kyiŋə nə ghàyn nəyn nyi nə ghàyn pomə sê Mi vɛ ə È tom.”

Njɔyn 6:29 ပူးပေါင်းရင်းမြစ်များ

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 6:28

Ghənə ə pfɨfə sê vəyn nə, “Ghàs kàʼa ə ghàs ghayn ghɛ endom se nə̀yn eghɛ zɛ ə Zhə̀fè kyiŋə nə ghàs nəyn ə?”

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 6:57

Pɨ̀a vɛ È nə̀yn nə ghɨghə nyi ètwɔ ə tom mi, kûmə̀ vəyn, m pɔŋə ndamə. Kèpî kə nâʼàpî ndè vɛ ə è zhi wiyn Vɨm, M tə nə̂ vəyn nə è və nyi ètwɔ.

Ətefɨ̂aʼ 16:31

Ghənə pìə sê vəyn nə, “Pomə sê Pɛ̂pɛ Njisə̀s, kə ə sɔza ghò, è kɨsè sas ə ndɛ zɛze.”

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Njə̂m 2:22

E za tyə̀nə̀ nə kyî epomə̂ ə vəynze è fɨ̂aʼ ə vəynze tè nyi ke sə afɨa àmɔ̀ʼ. Ə̀ tè nəyn efɨ̂aʼ ə vəyn nə kyî epomə̂ ə vəynze kwəyne.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

Etyə̂yn ə paynsêzè 2:26

Ə̂ nò zhi pîndè pi, nə̂ kə ə̀ghɛ ghɛ ə m kyiŋə se zaʼâ əkwùŋse, ə m fo tyaʼa sê vəyn ə è və saʼa tèndaʼ.