Njɔyn 6:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 6:27 ပူးပေါင်းရင်းမြစ်များ

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Matyò 6:19

“Kə ghàyn ə ndə̂mə̀ èghaʼ zayn ze fa chi, elùʼ vɛ ə shɔʼshɔʼe, è chaʼè kaʼa ve pofse, mə ghɨ echɔŋə kaʼa kəm nji kepî ə ndɛ ə chɔŋ vəynve.

Matyò 8:20

Njisə̀s ə pə̀ynsə̀ nə, “Sɔ̀ŋɔ̀m nyîə kyi èpûʼ ə ghənə̂vè, nɨ̂ŋmè e kyi sendɛ, pîza Vâ Wùə e kyi va luʼu se nyɨ̀ŋsè atu ə vəynke ətəyn se zɨ̀tè.”

Ŋwàʼlè ə̀ Mâk 1:11

Kyə̀ ə fɨnə fɨə kəpî awulə, pîə nə, “Ə̀ nyi ke nâʼà ghò Vayn èkɔ̀ŋ vɨ̂mè, m saŋnə̂ sê ghò sə nɨŋ.”

Ŋwàʼlè ə̀ Mâk 9:7

Kè nyi, mbàʼsè ə tso ə kɨytə̂ ghənə, kyə̀ ə fɨ ətəyn ə pìə nə, “Ə̀ vɨ̂nə nyi Vayn èkɔ̀ŋ vɨ̂mè. Ghàyn e zɨə sê vəyn.”

Tom èchùŋ kè kə Lûk tè nyaʼ 3:22

Zuʼse Ŋwaʼase ə tso pə̂ ə və tu, kyàʼà kə kə akwɨ̀l, kyə̀ ə fɨə ekwùtwəyn piə nə, “Ə̀ nyi ke nâʼà ghò Vayn èkɔ̀ŋ vɨ̂m, m saŋnə̂ kûmə̀ ghò sə nɨŋ.”

Tom èchùŋ kè kə Lûk tè nyaʼ 9:35

Kyə̀ ə fɨə fu əfètə̂ sèmbàʼ ə piə nə, “Ə̀ vɨ̀nə nyi Vayn vɨm vɛ ə m chɔʼ. Ghàyn zɨ sê vəyn!”

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Njɔyn 11:42

M ke ndô nə Ò ndamə zɨə ndò tsə̂m zɨme. Pîza m wàmnə̀ zôyn sə chùŋ ə̀ghɨ ghɨ̀yn ə ghe tyəm fâyn, kə ghənə pomə nə ə̀ tom ghô è Mi.”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 15:24

Ə̂ tè nyi nə m paʼà nə̀yn ghɛ nə ghɨ̂yn ə ghənə əfètəyn, ndɔ̀ʼɔ wùə tyəm nəyn, mə ze tyə̀nə̀ va nə ghənə ə nə̀yn pi kə ze tyə̀nə̀ zôyn. Ə̀ zô sè nyi mə ghənə ə fe ghɛ əkayntə nə ghɨ̂yn pîza fɨnə pànə̀ kə ndò mi, è kɨsè Pɨ̀a vɨm.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 3:15

Zɨnə nə̀ kyânə̀ kə nâʼàpî ndè vɛ è pomə sê Vəyn kyi ndam zɛ ə ze tə mîə va,

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Njɔyn 6:53

Njisə̀s ə pìə sê ghənə nə, “M pîə sê ghàyn səmɔʼ nə, ə ghàyn tàʼa zhi ewiyn ə Va Wùəvè, se fɨnə mɨə mndəm mə Və̂ynmè, ə ghàyn sə ghànə ngɨŋ ə kyi va ndam zɛ ə ze tə mîə va.

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Njɔyn 6:58

Ə̀ za nyi nə M nyi apayn ə kwaŋ kɛ ə ke ndô pə̂ ekwùtwəyn, M vachi kə apayn ə kwaŋ kɛ pɨ̀a əpɨ̀a ghaynghe tè zhi, pîza ghənə ə kwuə. Pîza nâʼàpî ndè vɛ ə è nə̀ zhi wiyn Vɨmve nə̀ ndamə faŋə.”

Njɔyn 6:62

Ə ghàyn fe, Vâ wùə è kɛsə ndô ndùə ekwùtwəyn, elùʼ vɛ ə è tè nyi ətəyn sə shi, ə ghàyn ghayn ghe?

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Njɔyn 8:18

Ghàyn ke nə M kyi setsɛ̀ èsaʼ sèpɛ̀, ə ngɨŋ Zɨ̂mè, è Pɨ̀a Vɨm vɛ ə È tom Mi.”

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 6:13

Wùə kaʼa è pi kepî nə, “Ə zhiə nâʼà pî ghɛ̀, ke ndûə kə endwɔ̀, ndwɔ̂vè nyi ke sə̂ fiə èfɨa ezhiəve.” E nyi ke nâʼà səmɔʼ pîza Zhə̀fè e nyi se tə pofsê èndwɔ̂ə ətəyn pâʼsə̂ kə efɨazhiəve. Wiynə wûəvè vachi nə è və nyɨ̂ŋə̀ è zəynghe, kɨ̀sə ə ndômnè, ve pɨl nyi sə̂ nə̂ efɨaʼ ətəyn sê Pɛ̂pɛ, ə̀ nyi Pɛ̂pɛ vɛ ə è tɔ̂ʼnə̀ ewiyn ətəynve.

1 Kɔlìŋ 9:2

Ə m va pî wùətom se ghɨə mɔ̀ʼɔghe, m mə ke nə m nyi ndô sê ghàyn kûmə̀ èndom vɛ ə ghàyn nyi ətəyn sə eghɛ èmɔ̀ʼ ghâyn ghə̀ Pɛ̂pɛ. Zɨnə mə chwîtə̀ nə m nyi wùətom.

2 Kolìŋ 4:18

Nyiəmə ghàs ndə̀mə̀ va təm ghasghe efɨa vɛ ə kaʼa fe è shiə, ghàs pɨlə ndə̂mə̀ ndûə èfɨa vɛ ə vayn kàʼa fe, kûmə̀ nə fɨa vɛ ə fe ndamə kə sə fendîŋə̀ fə ashìŋə̀fè, pîza vɛ ə fe va tə ndamə faŋ.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

Kòlosè 2:22

Lwɔ̂ŋ nə vɨ̀nə èkɨ̂m wàmnə̀ kûmə̀ kə èfɨa, ve nyi se pə̀yn sə efɨa sə ndô shîŋə̀ kɛ ə nyi mə ə nə̀yn fɨ̂aʼzè ətəyn. Lwɔ̂ŋ nə vɛ mə è zaʼlêtè nyi əghɛ mə ə̀ fɛte əghɨ è ghoghe.

Kòlosè 3:2

Ghàyn e ndə̂mə̀ tèkwâʼtè taynte əghɛ ghe ə ghe nyi ekwùtwəyn, ə̀ vachi ə̀ghɛ ghe ə ghe nyi ə chi,

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 12:16

Ghàyn e tɔ̂ʼnə̀, kə wùə nə̂ fɨ ə ghàyn əfètəyn mə è nə̀ ə̀ghɛ ə nyələghe, kɨ̀sə kə wùə vɛ ə è keva Zhə̀fè kə Esò vɛ ə è tè pəʼle ndumə ə vəynve sə akaŋ afɨazhiəke amɔ̀ʼ.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Njə̂m 1:11

Zhwize sa, ze ə nə̀ kɔʼɔ tɛ atɨ̀m ə chwîkè, ze ə nyɔ̀ʼə̀ èwə̂yn ə mbvɨyn, mbulè sətəynse ə zà, tsɔ̂f ə təynze ə njìsə̀. E za nyì kepî èghɨ kə ghɨə ghɨ ekɛghe tə kwuə, ə ghənə ə fètəyn èfɨ̀aʼ zɛ ə ghənə fɨ̂aʼà kè kə ghənə fɨaʼà tûʼmè m̀kɨ̂m.

1 Pità 1:24

E nyi ke èghɨ kə ə nyâʼ ə Ŋwàʼlè ə̀ Fèzhə̀ nə: “Ghɨghe əkɨ̂m nyi ke kə ewə̂yn ə mbvɨyn, tsɔ̂f ə ghənə̂zè e nyi ke kə sembule. Wə̂ynvè tə kwuə, ə mbulese za,

2 Pità 1:17

Ghàs tè nyîə nyi fumə kə Pɛ̂ Zhə̀fè tè fo kɔʼsêzè è pomsêzè sê vəyn, ə̀ tè nyi ə shɨŋ nə zɛ kə kyə̀ tè ndò pəyn sê Pomsê Eghâʼazè tɔŋə̂ vəyn pîə nə, “Ə̀ vɨ̂nə nyi vâyn èkɔ̀ŋ vɨ̂mè, m saŋnə kûmə̀ vəyn nâʼà sə ŋaŋ.”