Njɔyn 6:2 - Ŋwàʼlè ə̀ Fèzhə̀ Mkâyn Mə̂ Fèm

² Nɔ̂yn ə ghɨ̀kè e chûmtə̀ Vəyn, kûmə̀ nə ghənə tè nyi mə ə fe ghɛ ə kayntə ghɛ ə è tè nə̂, tsuʼə ə̀ghɨ ezafə.

Njɔyn 6:2 ပူးပေါင်းရင်းမြစ်များ

Matyò 12:15

Kə Njisə̀s tè zɨ nə ə pɨaʼtə̂ se zhwiə vəyn, È və ndò fumə elùʼ. Kə È tè ndò fumə elùʼ nɔ̂yn ə ghɨ̀kè e chûmtə̀ vəyn. È və tsuʼə ə̀ghɨ zafə ghəkɨ̂m

Matyò 13:2

Ghɨ ghɛ ghe tè pə̀yn fu tè tsɨ̀ə tsɛ̂sə̀ ndò. Zɨnə mə ə nə̀ Vəyn è və njiə ə ngwùʼ èghaʼâ ə tsɨsə̂ ətəyn, nɔ̂ynkè ə tyəmtə̂ etipì zɨtə̂ sê Vəyn.

Matyò 14:14

Njisə̀s ə fɨə ə ngwùʼ èghaʼâ ə pə̀ kə è fɨyn fe nɔ̂yn ə ghɨ̀ kɛ, təm ə vəynghe ə lwinə è kosê esəyn sê ghənə È və tsuʼə tèzaf tə ghənə̂tè.

Matyò 8:1

Kə Njisə̀s tè kɛse tso pəyn ə pfɨ̀yn, nɔ̂yn ə ghɨ̀kè e chûmtə̀ vəyn.

Ŋwàʼlè ə̀ Mâk 1:45

Pîza è və fɨə sè kotə̂ pîndè tsâ kə ndò ghɛ ətəyn, saʼghe ə̀təyn ə waŋə kə luʼte tekɨ̂m, zə nə̀ Njisə̀s e fɨmə sə̂ njiə əfètə̂ tɔ̂ŋ ə ndayn, e ve sè kwîə ndùə kə epɨ̀as ə sembvɨ̂nə̀vè pîza ghɨghe ə pa fɨə kə luʼ tekɨ̂m ndûə fe vəyn fu.

Ŋwàʼlè ə̀ Mâk 6:33

Ghɨghe ə fɨnə fe, tsɨ̂ə kə nyî kə ghənə ndûə, ə kê nə ə nyi ghənə, ə fɨnə fɨə kə tɔ̂ŋ sekɨ̂m ə nyɨŋə kə ègholə ə ndùə fɨə sə shi elùʼ vɛ ə Njisə̀s yî chùmtè èpàm sə vəynse tè ndùə.

Njɔyn 11:47

Ghɨə Falàsîə yighə̀ ghɨ kɔʼsə nə eshyə̀ ə ngaŋtə ə tɔŋnə̂ zùŋtə̀ ə̀ghɨ̀ atsɨ̀ynte ə pìə nə, “Ə ghâsènì kwi zayn zə? Fe ghɛ ə kayntə ghɛ ə wùə vɨ̂yn ə mɔ̂mə̀ ə.

Njɔyn 12:18

Ghɨə tsɨə ghe ə fɨə se kwəynê yîghə̀ Njisə̀s kûmə̀ nə ghənə tə zɨ nə ə nyi əghɛ kayntə ghɛ ə È nə̀yn.

Njɔyn 12:37

Pî kə nɔ̂yn ə ghɨ̀ nə kɨ̂yn tè fe ghɛ kayntə ghɛ ə Njisə̀s tè nə̂ ə̀kɨ̂m, ghənə ə tàʼa pa pomə̂ sê Vəyn.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 2:23

Ə tè nyi kə Njisə̀s nyi ə Njèlusalɛ̀m ashìŋə̀ azhi ə zaʼatsɛke, ghɨ etsɨəghe ə pomə̂ sê Vəyn, kûmə̀ ə̀ghɛ ə kayntə ghɛ ə ghənə fe kə è nə̀yn.

Njɔyn 20:30

Ə̀ tè nyi ə chùmtè èpàm sə Njisə̀sè əshi, È və nə̀ ə̀ghɛ əkayntə setsɨ̀ mə paʼà nyàʼ fa ŋwàʼlè.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 6:14

Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 6:22

Tuʼfe komtəfe, nɔ̂yn kɛ ə ke tè faŋ apàs enjwì əmɔ̀ʼɔke ə fe kê nə ə̀ nyì ke ngwùʼ èghaʼâ èmɔ̀ʼ fumə. Ghənə e kê nə Njisə̀s paʼà ndò ətəyn yî chùmtè èpàm sə Vəynse, pîza mə yîghə̀ ghənə pâʼà ndò əmɔʼ.

Njɔyn 6:26

Njisə̀s ə pə̀ynsə̀ ghənə nə, “M pîə sê ghàyn səmɔʼ nə, ghàyn kyiŋə pə̂ Mi kûmə̀ nə ghàyn tè zhi apayn ə kwaŋke, nâʼàpî ndè ə zhiə kolə, ə̀ vachi kûmə̀ ə̀ghɛ ə kayntə ghɛ M tè nəyn nə ghàyn ə kyiŋə Mi.

Njɔyn 6:30

Ghənə ə pə̀ynsə̀ sê Vəyn nə, “Ə̀ nyi chwìə èkè ə Ò kaʼa Ò nəyn kə ghàs fe ə pomə ghô ə? Ò kàʼa Ò ghayn tso nâʼà ghe?