Njɔyn 6:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Kə ghɨ ghɛ ə tè nyì fu tè fe ghɛ ekaynə zɛ ə Njisə̀s tè nəyn, ghɨ ətəynghe ə pìə nə, “Səmɔʼ ə̀ vɨ̀nə nyì ke nâʼà Fɨ̀aʼtè vɛ ə tè tsɨ̀ne nə è tə pə̀ ə mbi”

Njɔyn 6:14 ပူးပေါင်းရင်းမြစ်များ

Matyò 11:3

È və pìə nə ghənə pfɨf sê Njisə̀s nə, “Tsàyn sê ghàs” Ə̀ nyì ghô vɛ ə Zhə̀fè tè pi nə è nə̀ tomə ndò mə ghàs ə lɨmtə̂ wùə ndò ə?

Matyò 21:11

Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Tom èchùŋ kè kə Lûk tè nyaʼ 24:19

È və pfɨfə nə, “Ə nyi əghɛ ə kɛ?” Ghənə pə̀ynsə̀ nə, “Ə nyi ghɛ ə ghe kyàyn sê Njisə̀s və Nazalɛ̀t. E vâ nyi fɨ̀aʼtè, pìə əghɛ ə kayntə, nə̂ ghə mɔʼɔ. Zhə̀fè ə pomə̂ vəyn, ghɨghə pɔŋɔ pomə.

Tom èchùŋ kè kə Lûk tè nyaʼ 7:16

Fâynzè ə ko nâʼà ghɨ əkɨ̂m fu. Ghənə e tsîtə̀ Fèzhə̀ piə nə, “Fɨ̀aʼtè èghaʼâ ə pə̀yn ə ghâsènì əfètəyn. Zhə̀fè ə pə̀yn se nayne ə ghɨ və!”

Njɔyn 1:21

Ghənə ə fɨnə pfɨfə kwəynsə̂ sê vəyn nə, “Ò se nyi nâʼà ndè? Ə̀ nyì gho Èlanjà mə?” Njɔyn ə pə̀ynsə̀ sê ghənə nə, “Ngaŋ.” Ghənə ə fɨnə pfɨfə sê vəyn nə, “Ò nyi Fɨ̀aʼtè zɛ ə ghàs lɨmtə mə?” Njɔyn ə pìə nə, “Ngaŋ.”

Njɔyn 11:27

Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 4:19

Kə wùzhɔyn ə̀təyn zɨ zâ, ə pìə sê Njisə̀s nə, “Mə fe nə ò nyi Fɨ̀aʼtè.

Njɔyn 4:25

Wùzhɔyn ə̀təyn ə ke pì sê vəyn nə, “M ke ndô nə vɛ ə chɔʼ ndə̂m tə pə̂ ndò se tsâ paynsê əghɛ ə̀kɨ̂m sê ghâsènì.”

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 6:2

Nɔ̂yn ə ghɨ̀kè e chûmtə̀ Vəyn, kûmə̀ nə ghənə tè nyi mə ə fe ghɛ ə kayntə ghɛ ə è tè nə̂, tsuʼə ə̀ghɨ ezafə.

Njɔyn 6:26

Njisə̀s ə pə̀ynsə̀ ghənə nə, “M pîə sê ghàyn səmɔʼ nə, ghàyn kyiŋə pə̂ Mi kûmə̀ nə ghàyn tè zhi apayn ə kwaŋke, nâʼàpî ndè ə zhiə kolə, ə̀ vachi kûmə̀ ə̀ghɛ ə kayntə ghɛ M tè nəyn nə ghàyn ə kyiŋə Mi.

Njɔyn 6:30

Ghənə ə pə̀ynsə̀ sê Vəyn nə, “Ə̀ nyi chwìə èkè ə Ò kaʼa Ò nəyn kə ghàs fe ə pomə ghô ə? Ò kàʼa Ò ghayn tso nâʼà ghe?

Njɔyn 7:40

Ghɨ yîghe əfètəyn ànɔ̀yn ə zɨə ə̀ghɛ ghɛ ə Njisə̀s pì ə pìə nə, “Wùə vɨ̂nə lote nyi ke nâʼà Fɨ̀aʼtè vɛ ə È nə̀ pə̂.”

Ətefɨ̂aʼ 7:37

Mosîs nə vɨ̂yn tè nyi wùə vɛ ə è tè pì sê ghɨə Isìlâyghè nə, ‹Zhə̀fè tə tomə fɨ̀aʼtè sê ghàyn kə mi mə è ndò kepî sê ghɨ ghaynghe.›