Njɔyn 5:42 - Ŋwàʼlè ə̀ Fèzhə̀ Mkâyn Mə̂ Fèm

⁴² Pîza M ke ndô kyì əghɨ̀ ghɛ ə ghàyn nyi ghəynghe, pa ke nə ghàyn kyi va kɔ̂ŋ ə Fezhə̀zè ə ghàyn ə təm.

Njɔyn 5:42 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Njɔyn 2:25

Wùə tè va sə̂ fɨnə tsâ ndò fɨa kɛ ə wùə nyi kəynke sê vəyn kûmə̀ nə è tè se ke ndô kwâʼtè tə̂ ghɨ̀tè.

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Njɔyn 5:41

M kyiŋə va nə wùə m̀sɔ̀ŋ ə tsîtə̀ Mi.

Njɔyn 5:43

M pəyn è tyaʼa Pɨ̀a Vɨ̂mkè pîza ghàyn ghe tàʼa fiə mi, mə shîŋə̀ kɛ ə wùə pə̀yn è kə vəynke nə atyaʼ, ghàyn ə fiə vəyn.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Njɔyn 8:55

Pî kə ghàyn ke va Vəyn, pîza M ke Vəyn. Ə M pi nə M ke va Vəyn, ə Mə nyi kepî wùə àkaŋ kə ghàyn. Pîza M ke ndô Vəyn nə̂ ə̀ghɛ ghɛ ə È pìə.

Ŋwàʼlè ə̀ Pɔ̂l sê ghɨə Lûmghè 8:7

Ghɨ ghɛ ə ghe ndamə kə njà sewìynse kyiŋə nyi sèpàyn sə Fezhə̀sè, kûmə̀ nə ghənə ndə̂mə̀ va lâŋ ə Fezhə̀kè, mə ə vayn kaʼa ndəʼ ndəm kəynke.

1 Njɔyn 2:15

Kə ghàyn ə kɔ̀ŋɔ̀ mbi zɨ̀yn è fɨa vɛ ə ve nyi ətəyn. Ə̀ kɔ̂ŋɔ̀ pîndè mbi zɨ̀yn, ə ze ə tyə̂ynə̀ nə è kɔ̂ŋɔ̀ va Pɨ̀a,

1 Njɔyn 3:17

Ə wùə nyi wùə eghaʼâ, ə fe ànyìə vəyn è làʼà, kyi va təmə chûŋə̀ se tsàmtə vəyn, è kàʼa è pi zayn nə è nyi ə̀ kɔŋə̀ Fèzhə̀ ə?

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.