Njɔyn 5:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ M kyiŋə va nə wùə m̀sɔ̀ŋ ə tsîtə̀ Mi.

Njɔyn 5:41 ပူးပေါင်းရင်းမြစ်များ

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Njɔyn 5:34

E va chi nə M kyi sə̂ kyi wùə m̀sɔ̀ŋ nə è və nyi tsɛ èsaʼ Vɨ̂mvè. Pîza, M tsâ sê ghàyn kûmə̀ ètsɛ̂ esaʼa Njɔynze kə ghàyn pomə sê Mi ə ghàyn kyi sɔzaze.

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njɔyn 5:42

Pîza M ke ndô kyì əghɨ̀ ghɛ ə ghàyn nyi ghəynghe, pa ke nə ghàyn kyi va kɔ̂ŋ ə Fezhə̀zè ə ghàyn ə təm.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 6:15

Njisə̀s tè nyîə ke nə ghənə tè nyì ke epɨaʼtêzè se kyiə Vəyn se nə̀yn nə è və nyi fɔ̀yn sə atyaʼ, È və fɨnə ndô kɔʼɔ ə pfɨyn kè və̂yn nɨŋ.

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Njɔyn 8:50

M kyiŋə va nə ə kɔʼsə̂ Mi. Pîza wùə e nyi kə è kyiŋə nə ə kɔʼsə̂ Mi, mə ə̀ nyi Vəyn vɛ ə È tsɛ̀sə̀ saʼze səmɔʼ.

Njɔyn 8:54

Njisə̀s ə pə̀ynsə̀ nə, “Ə M fe kɔʼsə ngɨŋ Zɨ̂m, mə kɔʼsê ətəynze tyə̂nə̀ va ghɛ zhîze. Ə̀ nyi Pɨ̀a Vɨm kə È nə̀ nə Mə kyi èkɔʼsê, ə Vɛ ə ghàyn pìə nə ə̀ nyi Pɨ̀a vàyn.

1 Tèsàlonikà 2:6

Ghàs tè nə̂ va ghɛ nə ghɨghe ə tsîtə̀ ghàs, ə vachi ghàyn, pî ə̀ghɨ ə mɔ̀ʼɔghe sə̂ pɔmsə̂ ghàs.

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

2 Pità 1:17

Ghàs tè nyîə nyi fumə kə Pɛ̂ Zhə̀fè tè fo kɔʼsêzè è pomsêzè sê vəyn, ə̀ tè nyi ə shɨŋ nə zɛ kə kyə̀ tè ndò pəyn sê Pomsê Eghâʼazè tɔŋə̂ vəyn pîə nə, “Ə̀ vɨ̂nə nyi vâyn èkɔ̀ŋ vɨ̂mè, m saŋnə kûmə̀ vəyn nâʼà sə ŋaŋ.”