Njɔyn 5:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 5:25 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:24

Vayn vɨm vɨ̀nə nyi nyî mə m tè se ndəmə̀ kə nə è və kwuə ə̀ kyaʼà vəyn fayn nyi, nyi ke nâʼà etwɔ. M tè se piə kə nə è və njìsè ndu, è vɛ è kɛse pəyn.’ Ghənə ə se zhə̀tə̀ sə̂ zhiə, saŋnə.

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 9:60

Njisə̀s ə piə sê vəyn nə, “Za, əghɨ ghɛ ə ghe nyi kepî kə ghɨe kwutəghe ə pfɨ̂mə̀ əghɨe kwutə ə ghənə. Pîza sê ghò, ò ndâʼà ndùə saʼghe kûmə̀ èfɔ̂yn ə Fezhə̀e.”

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 17:1

Ə pə̀ kə Njisə̀s wàmnè mɨ̂sè ghɛ nə ghɨ̂yn ə naynə̂ kɔʼsə̂ è kwùtwəyn ə tsə̀mə̀ nə, “Pɛ̂, shîŋə̀kè ə kwəyn zôyn. Fo pomsê ekayntəze sê Vayn vɛ, kə Vayn vɛ̂vè fo pomsê ekayntəze sê Ghò,

Njɔyn 4:21

Njisə̀s ə pìə sê vəyn nə, “Wùzhɔyn pomə ghɛ zɛ M tsâ sê ghò. Shîŋə̀kè tə pə̂ mə ghɨə tə ngɨmnə̂ va Pɨ̀a fa etûə pfɨ̀yn, pî ə Njèlusalɛ̀m.

Njɔyn 4:23

Pîza shîŋə̀kè pə̂ ndò, mə kə kâynè pəyn, mə ghɨ ghɛ ə ngɨmnə Zhə̀fè səmɔʼ tə ngɨmnə̂ Fèzhə̀ ə Sezuʼ è kɨsè səmɔʼ. Ə̀ ghɨnə nyi əghɨ ghɛ ə Pɨ̀a kyiŋə nə ə ngɨmnə̂ zhi səmɔʼ.

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 5:28

Kə ghàyn ə nyi è kaynze kûmə̀ zɨ̂nə mə; shîŋə̀kè nyiə pə̂ mə ghɨ ekwuə nâʼà ə̀kɨ̂m tə zɨə èwâmnè ə Vəyn,

Njɔyn 6:60

Chùmtè èpàm sə Vəyn se tsɨəse ə zɨə èzaʼlê nə zɨ̂nə̀ ə pìə nə, “Zaʼlê zɨ̀nə nyiə tɛ se chùmtè. Ə̀ kàʼa zɨte nde zəyn zə ə?”

Njɔyn 8:43

Kûmə̀ ghè ə ghàyn zɨə ke va ghɛ zɛ ə M piə ə? Ə nyi kûmə̀ nə ghàyn kɔ̀ŋɔ̀ va se zɨ ewâmnè Zɨmze.

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Njɔyn 9:27

Wùə ətəyn ə pìə nə, “M nyi mə mə kàynè tsayn sê ghàyn, ghàyn e kɔ̀ŋɔ̀ va se zɨ. Ghàyn fɨnə kyiŋə se zɨ kûmə̀ ghè? Zho fîfe ə ghàyn è ngɨŋ saynse ə kɔ̀ŋə̀ kəpî sə nyi sè chùmtè èpàm sə Vəynse.”

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Ɛfesùs 2:1

Ghàyn nyi nyî mə ghàyn tè nyi mə ghàyn ə kwute ə ghàyn ə sezuʼ kûmə̀ tètsas è ghɛ piə ghɛ ə ghàyn tè nə̂.

Ɛfesùs 2:5

Ə̀ za nyi eghɛ zɛ ə Fe tè zòmse Klâys nâʼàpî ashìŋə̀ àkè ə pɔŋɔ zômsə̀ ghâsènì. Ə̀ tè nyi zâ, mə ghâsènì ə kwutê ə sezuʼ kûmə̀ tètsas təghasènìte. Zhə̀fè ə sɔ̀zâ ghàyn kûmə̀ àfùʼ kɛ ə fe kyi.

Ɛfesùs 5:14

E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Etyə̂yn ə paynsêzè 3:1

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sandìs nə: ‘Wùə vɛ ə è kyi tyaʼke etûə mlɨ̂ mə Fèzhə̀mè èsɛ̀mbɛ è kɨsè vɛ ə è kyi lìmè èsɛ̀mbɛ pi nə, M nyiə ke èghɛ zɛ ə ò nyi mə o nə̀yn. Ò kyàʼà kə ò nyîə ndamə pîza mə o kwu.