Njɔyn 5:23 - Ŋwàʼlè ə̀ Fèzhə̀ Mkâyn Mə̂ Fèm

²³ È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 5:23 ပူးပေါင်းရင်းမြစ်များ

Matyò 10:37

Wùə vɛ ə è kɔ̂ŋɔ̀ pɨ̀a kɨ̀sə nyì tsɨ̂ə tsɛ̂ kə è kɔ̂ŋə̀ Mi, kwənə va sə̂ nyi chùmtè èpàm zɨ̂mzè; Ə̂ kɔ̀ŋɔ̀ pindè vayn èndômə̀ vəyn kɨ̀sə vayn èzhɔynə̂ vəyn tsɨ̂ə tsɛ̂ kə è kɔ̀ŋɔ̀ mi, ə è və kwəynə va sə̂ nyi chùmtè èpàm zɨ̂mè.

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 12:21

Ghɨə atum ghəkɨ̂m tə ndəmə̀ kə èkwaʼtè elɨmtə ə ghənə̂zè sê Vəyn.”

Matyò 15:8

‹Ghɨ ghɨnə kɔʼsə̂ mi è choze, pîza təm ə ghənə̂ghè e nyi sə tyà sê Mi.

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Njɔyn 14:1

Njisə̀s ə pìə sê chùmtè èpàm sə vəynse nə, “Kə ghàyn ə fɨmsə̂ sèngɨŋ saynse. Ghàyn pomə sê Zhə̀fè, ə fɨyn pomə̂ kepî sê mi.

Njɔyn 16:14

È nə̀ fo mi èpomsêzè kûmə̀ nə è nə njiə èghɛ zɛ m piə, ndaʼà zəyn sê ghàyn.

Njɔyn 17:10

Nâʼàpî àkè kɛ M kyi nyi Kɛke, nâʼàpî àkè kɛ ə Ò kyi ə̀ nyi Kɨmke. Mə kyî pomsê ekayntəze kûmə̀ ghənə.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 15:12

Fɨ̀aʼtè Èsayà ə tə pì kepî kə nyi mə ə nyàʼ nə, “Wùə tə fɨə etɔ̀ŋ ə ndɛ ə Njesì mə è tə pə̂ ə è və kyi àtyaʼ etûə ə̀ghɨ ghɛ ə̀ vachi ə̀ghɨ ə Njûsə̀, ə nyì se vəyn ə ghɨ ghɛ ə vachi ə̀ghɨ ə Njûsghè tə ndə̂mə̀ təm ə ghənə̂ghè əkɨ̂m.”

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 8:9

Pîza ghàyn ndamə va kə njà saynse wìynse kyiŋə. Ghàyn pɨlə ndamə kə zuʼse kyiŋə, ezhoghɛ ə zuʼsə Fezhə̀sè ndɨŋ nyi ə ghàyn ətəm. Nâʼàpî ndè vɛ ə è kiva zuʼsə Klaysè, va yî vəyn.

1 Kɔlìŋ 1:3

Ghàs tsə̀mə̀ nə Zhə̀fè pɨ̀a ghâsènì, è Pɛ̂pɛ ə ghâsènì Njisə̀s Klâys fo ghàyn fùʼkè è pɔ̂ynè.

1 Kɔlìŋ 10:31

Nyiəmə, nâʼàpî èghɛ èkè zɛ ə ghàyn nə̀, kɨ̀sə ghàyn zhiə ndò kɨ̀sə ghàyn mɨə ndò, ghàyn e nə̂ zamə kè se pomsê ezə Fezhə̀zè.

1 Kɔlìŋ 16:22

Ə̂ nyì nâʼàpî ndè kɔ̂ŋɔ̀ va Zhə̀fè, ndi ə və tu!

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

2 Kolìŋ 1:9

E tè nyì sê ghàs kəpî ə pì ə ndɛ ə̀ sèsaʼ nə ghàs nə̀ kwuə. Pîza zɨnə mə tè kyayn kə ghàs tàʼa nyìŋə zaʼnê ə ghàs atyaʼ, pîza ə pɨl nyɨ̂ŋə̀ zaʼnê ə Fezhə̀ Fɛ ə Fe zômsə̀ ghɨghe.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Ipilù 1:6

Ə̀ tè nyi kepî kə Zhə̀fè kyiŋə se tomə Va vəyn ve ndomə̀ sə shi, ə pìə nə, “Tsì sə Fezhə̀sè nâʼà sèkɨ̂m kyi sə̂ ngɨmnə̂ vəyn.”

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.