Njɔyn 5:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Kûmə̀ nə Pɨ̀a nyiə kɔŋə̀ Vayn, È chwìtə̀ Vəyn è ghɛghe əkɨ̂m ghɛ ə È nə̀ È ngɨŋə̂ Vəyn. È tə chwîtə̀ Vəyn è ghɛ ghaʼâghè ghe tsɛ̂ pîə ghɨnə zôyn ə ghàyn əkɨ̂m ə nyi èkaynze.

Njɔyn 5:20 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Matyò 4:8

Ndə̂plè ə nə̀ Njisə̀s ə ndûə È etûə pfɨ̀yn è tyàfə ə tyə̀nə̀ tèndâʼà tə mbite tekɨ̂m è ghaʼ zɛ ə ze nyi ətəyn,

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 10:32

Njisə̀s ə pìə sê ghənə nə, “Mə nə̀yn ghɛ ə chûŋə̀ setsɨ̀ ə ghanə shi kə Pɨ̀a Vɨm fo tyaʼa nə M nəyn, famə əfètə̂ ə̀ghɛ, ə̀ nyi zɨ̂yn zə ə ghàyn kyiŋə se tɨmnə̂ Mi sə tə?”

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 3:35

Ə pɨ̀a vayn kɔ̂ŋɔ̀ vayn, è və ndə̀mə̀ ə̀ghɛ ə̀kɨ̂m ə vəyn əgho.

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 5:29

ə fɨ pəyn ə ghənə ə tè shyə̀: ghɨ ghɛ ghe nyi mə ghə nə̀yn ghɛ ə chûŋə̀ tə zômə̀ ə ndam, ə ghɨ ghɛ ghe nyi mə ghə nə̀yn pi tə zômə̀ ə poynse ghənə.

2 Pità 1:17

Ghàs tè nyîə nyi fumə kə Pɛ̂ Zhə̀fè tè fo kɔʼsêzè è pomsêzè sê vəyn, ə̀ tè nyi ə shɨŋ nə zɛ kə kyə̀ tè ndò pəyn sê Pomsê Eghâʼazè tɔŋə̂ vəyn pîə nə, “Ə̀ vɨ̂nə nyi vâyn èkɔ̀ŋ vɨ̂mè, m saŋnə kûmə̀ vəyn nâʼà sə ŋaŋ.”