Njɔyn 5:2 - Ŋwàʼlè ə̀ Fèzhə̀ Mkâyn Mə̂ Fèm

² Etipìə echondɛ ə mbàyn ə̀ sèpfɨ ə Njèlusalɛ̀m, ndɨla tè nyîə nyi fumə è luʼte kwiə tsɛ te tâyn. Ewàmnè ə Ipilòzè, e tɔŋtə̂ nə Pɛtzatà.

Njɔyn 5:2 ပူးပေါင်းရင်းမြစ်များ

Njɔyn 19:13

Kə Paylɛ̀t tè zɨ zɨnə mə, ə njiə fɨə pə̀ è Njisə̀s ə tsɨsə ə fèkyə̂ fə tesaʼfe. Luʼ vɛ ə è tè tsɨs ətəyn, ə tè tɔŋtə nə, Apɨəyn kɛ ə tè pom Èchiə. (Ə tè tɔŋtə ewàmnè ə Ipilòzè nə, Ngapatà)

Njɔyn 19:17

È və pɨ̀aʼà awâmnè ə Vəynke sə və ngɨŋ fumə endaʼ ə njiə ndûə è kəynke elùʼ vɛ ə tè tɔŋtə nə, “Ewɔf-Atuve” tɔŋtə̂ eluʼ ətəynve ewàmnè ə Ipilòzè nə, (Ngolngotà.)

Njɔyn 19:20

Ghɨə Njûsə̀ se tsɨ̀ ə tɔŋɔ̂ èghɛ nə zɨ̂yn kûmə̀ nə luʼ vɛ ə tè paynte Njisə̀s ətəyn tè va ndu sə aghaf sê Njèlusalɛ̀m. Fɨa nə kɛ tè nyi mə ə nyaʼ ewàmnə Ipilòzè, ə nyàʼà kəpî ewàmnè ə Latɨ̀ynzè, è wâmnè ə Nglêkzè.

Njɔyn 20:16

Njisə̀s ə ke tɔŋtə vəyn nə, “Mèli!” Mèli ə feʼtə̂ naynə̂ Njisə̀s ə pɨa pîə ewàmnè ə Ipilò nə, “Làponi!” (Mə e tyə̂nə̀ nə, “Tyə̀ynsè.”)

Njɔyn 5:3

Nɔ̂yn ə ghɨ̀ ezafəke tè nyîə nyɨ̂ŋtè fumə ə telùʼ te kwiə tsɛte; è ghe efofəghe, è ghə̀ kèngɛchi, è ghɛ pɨas ewìyn əmɔ̀ʼɔve nyi mə və kwu.

Njɔyn 7:21

Njisə̀s ə pə̀ynsə̀ nə, “M tè nəyn eghɛ ekaynəze emɔ̀ʼ, ghàyn əkɨ̂m e nyi èkayn.

Ətefɨ̂aʼ 21:40

Tuə sesôkə̀ʼ ətəynke ə fo vəyn èndomve, Pɔ̂l ə tyəmə̂ ə sembaŋə fumə ə ndɛ, ə nə̀ʼsə̀ àgho nə ghɨ kɨm tso mɔŋ. Ə pə̀ kə ghənə kɨme, Pɔ̂l ə wàmnə̀ se ghənə ewàmnè ə Ipilòzè ə pìə nə:

Etyə̂yn ə paynsêzè 16:16

Zuʼse pi sɛ ə zùŋtə̀ tèfɔ̂yn nə tɨ̂nə̀ elùʼ vîvè, e tɔŋtə̂ ewàmnè ə Ipilòzè nə Àmangendòn.

Etyə̂yn ə paynsêzè 9:11

Pɨynse ətəynse tè nyiə kyi fɔ̀yn vɛ ə è saʼa səynse, ə̀ nyi tsì zɛ ə è tɔ̀ʼnə̀ è pə zɛ ə ze lɔŋɔ tso ndùə kə ndô za, zə ə tsì ətəynze e nyi ewàmnè ə Ipilòzè nə Apandòn, nyi ewàmnè ə Nglêkè nə, Apolìyòn, ze tyə̂nə̀ nə, “Wùə è pəfsə.”