Njɔyn 5:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 5:19 ပူးပေါင်းရင်းမြစ်များ

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Njɔyn 10:18

Wùə vîvè va ə è kàʼa è nji tsɨsè èndam zɨme se Mi. Ə̀ kɔ̀ŋɔ̀ kə nâʼà Mi se kwu. M nyîə kyi àtyaʼ se fo endam Zɨme, fɨyn kyi àtyaʼ se kɛsə fiə pə̀yn. Ə̀ zɨnə nyi eghɛ zɛ ə Pɨ̀a nyi mə È və fo tyaʼa nə Mə nə̂.”

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 12:50

M ke ndô nə nâʼà pî ghè vɛ ə è tsàyn nə M pi nyîə pə̂ èndam zɛ ə ze tə mîə va. E za nyi nə ghɛ zɛ M pîə nyi eghɛ zɛ ə Pɨ̀a nyi mə È və tsàyn nə M pi.”

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 2:19

Njisə̀s ə pə̀ynsə̀ sê ghənə nə, “Ghàyn pɨyte Ndɛ Ètsə̀mə zɨ̂yn, ə M kɛse pɛ zə̂yn sə m̀tuʼ mta.”

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

2 Kolìŋ 4:14

Ghàs ke ndô nə Zhə̀ fɛ ə Fe tè zòmse Pɛ̂pɛ Njisə̀s, tə ndwîsə̀ kəpî ghàs è Njisə̀s, ə pəyn è ghàs, paʼsə̂ kə è ghàyn ə Və ngwùŋ.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

Ɛfesùs 2:5

Ə̀ za nyi eghɛ zɛ ə Fe tè zòmse Klâys nâʼàpî ashìŋə̀ àkè ə pɔŋɔ zômsə̀ ghâsènì. Ə̀ tè nyi zâ, mə ghâsènì ə kwutê ə sezuʼ kûmə̀ tètsas təghasènìte. Zhə̀fè ə sɔ̀zâ ghàyn kûmə̀ àfùʼ kɛ ə fe kyi.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

Filìpây 4:13

M kaʼa m tsɛ tɔynê nâʼàpî mtsəfle m̀kè tɔynə̂ atyaʼ kɛ ə Klâys fo sê mi.

Kòlosè 1:11

M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

1 Tèsàlonikà 4:14

Ghâsènì pomə̂ ndò nə Njisə̀s ə tə kwu ə kɛsə̂ zômə̀, fɨnə pomə̂ nə Zhə̀fè tə nə̂ ə ghɨ ghɛ ə tè kwu mə ə pomə se Njisə̀s ə pəyn ə nyi yî ghə̀ Njisə̀s.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.