Njɔyn 5:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Njɔyn 5:17 ပူးပေါင်းရင်းမြစ်များ

Matyò 10:29

Piə ə pəʼlə̂ m̀nɨŋtə̂ m̀pɛ̀ kè sə fekɛtə̀ nyi, pîza femɔ̀ʼ e va ə fe kàʼa fe tayn ə chi, ə tsɛ̂ kə va nə pɨa vâyn Zhə̀fè kɔ̀ŋ ndô nə ze kyayn.

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 5:16

Ghənə zhə̀tə̀ se tsə̀fsè ə Njisə̀s, kûmə̀ nə È tsuʼ wùə ə̀təyn etuʼ endaʼ.

Njɔyn 5:18

Wâmnè zɨnə ə nə̀, ghɨə Njûs ghe chisəghe è kyiŋə èndom se zhwiə Njisə̀s, kûmə̀ nə È paʼà kəm chike lâŋ etuʼ endaʼke, pîza ə pa pîə nə Zhə̀fè tè nyi Pɨ̀a Vəyn, famə endom, È və nə̀yn ngɨŋə̂ Vəyn sə̂ nyi èghɨ yî Zhə̀fè.

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.

Ətefɨ̂aʼ 14:17

Pîza faŋa va sə̂ tyə̂nə̀ paynsə̂ ngɨŋ ə vəyn tɔynə̂ əghɛ əchûŋ ghɛ ə è nə̂. È nə̂ gholze e tso, fɨazhiəve e fɨnə ndəmə̂ ə mbvɨyn kè nâʼà ashìŋə̀ echûŋkè. È və fo fɨazhiəve sê ghàyn, nə̂ təm ghaynghe saŋnə̂.”

Ətefɨ̂aʼ 17:28

Wùtɔfə vîvè tè pi nə: ‘Ghâsènì ndamə kûmə̀ Fèzhə̀, kwîə, fɨyn nyi nâʼà pi àkè kɛ ə ghâsènì nyi kəynke.’ Ghɨtɔfə ghayn yîghe ə tə pi kepî nə: ‘Ghâsènì nyì kepî əghɔ Vəynghe.’

1 Kɔlìŋ 12:6

Tyaʼ kɛ ə ghɨə kyi se nə̀yn efɨaʼ va eghɨ, pîza ə̀ nyì ke Fèzhə̀ fèmɔ̀ʼ ə fe fo tyaʼ nə kɨ̂nə̀ sê ghɨə ghəkɨ̂m nə ə nə̂ èfɨaʼ ə ghənə̂zè ətəyn.

Kòlosè 1:16

E nyi nyiəmə kûmə̀ nə ə̀ nyi tɔynə̂ se Klâys, ə Zhə̀fè ə tè pom fɨave ekɨ̂m vɛ ə ve nyi ekwùtwəyn è kɨsè əchi. È və pom vɛ ə kaʼa fe è shize, è kɨsè vɛ ə vayn kaʼa fe è shize. Ə̀ tè pom vəyn e tu ə tendaʼàvè è kɨsè twɔʼve ekɨ̂m. Zhə̀fè tè pom efɨa èkɨ̂m tɔynə̂ ə vəyn, ə̀ nyi kûmə̀ vəyn ə Zhə̀fè tè pom fɨa nə vɨnə mə.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.