Njɔyn 4:48 - Ŋwàʼlè ə̀ Fèzhə̀ Mkâyn Mə̂ Fèm

⁴⁸ Njisə̀s ə pìə sê vəyn nə, “Wùə sê ghàyn tə pomə̂ va ə̀ tsɛ̂ kə va mə è və fe chwìə è ghɛ ekayntəghe.”

Njɔyn 4:48 ပူးပေါင်းရင်းမြစ်များ

Matyò 16:1

Ghɨə Falàsîə è ghɨə Sandùsî yîghe tè pə̀yn sê Njisə̀s kyiŋə èndom se mɔ̀m ə vəyn. Ghənə pìə se vəyn nə È chwite ghənə èchwîə mə è ndò pə̂yn ekwùtwəyn.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 27:42

pîə nə, “È və tə sɔ̀sè ghɨə mɔ̀ʼɔ, pîza zôyn è vayn kaʼa è sɔse ngɨŋə̂ vəyn. Ə̀ vɨ̀nə va fɔ̀yn ə̀ ghɨə Isìlâyghə? Ə È nyi fɔ̀yn ə̀ghɨ̀ ə Isìlâyghè, è və tso pə̂ zôyn fâ etûə awâmnè. Ə è tso pə̂yn fɛ etuə àwâmnè zôyn, ə ghàs pomə nə è nyi vɛ ə kɨmne ndə̂m.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Tom èchùŋ kè kə Lûk tè nyaʼ 10:18

Njisə̀s ə piə sê ghənə nə, “Ma fe kə Satàyn ndò ekwùtwəyn ə pfɨ̀ə, mɨ̂anə̀ kə eghol.

Tom èchùŋ kè kə Lûk tè nyaʼ 16:31

Aplàghâm ə se pi sê vəyn nə, ‹Ə ghənə tàʼa zɨtê əghɛ ghɛ Mosîs yî fɨ̀aʼtè seghaʼâsè tè nyàʼ, ghənə vâyn tə zɨtê eghɛ, naʼapi ezhoghɛ wùə kɛse ndù sê ghənə mə è zômə̀ e kwu.›”

Njɔyn 12:37

Pî kə nɔ̂yn ə ghɨ̀ nə kɨ̂yn tè fe ghɛ kayntə ghɛ ə Njisə̀s tè nə̂ ə̀kɨ̂m, ghənə ə tàʼa pa pomə̂ sê Vəyn.

Njɔyn 15:24

Ə̂ tè nyi nə m paʼà nə̀yn ghɛ nə ghɨ̂yn ə ghənə əfètəyn, ndɔ̀ʼɔ wùə tyəm nəyn, mə ze tyə̀nə̀ va nə ghənə ə nə̀yn pi kə ze tyə̀nə̀ zôyn. Ə̀ zô sè nyi mə ghənə ə fe ghɛ əkayntə nə ghɨ̂yn pîza fɨnə pànə̀ kə ndò mi, è kɨsè Pɨ̀a vɨm.

Njɔyn 2:18

Ghɨ Njûs ə ghaʼâ ghɛ ə kɛsə̂ pə̂ sê Vəyn ə pfɨfə nə, “Ò kàʼa ə ò nəyn ghɛ ekaynə èkè se tyə̀yn sê ghàs nə ò kyi ndô tyaʼa se nə̀yn əghɛ ghɨ̀ynə.”

Njɔyn 20:29

Njisə̀s ə pìə sê vəyn nə, “O pomə̂ zôyn kûmə̀ nə o fe mi ə? Pɔsêzè nyì sê ghɨ ghɛ ə ghe taʼa fe pîza ə pomə̂.”

Njɔyn 4:49

Wùə ghaʼâ ə̀ ngômnàyn ə pə̀ynsə̀ nə, “Pɛ̀ àpɨəyn, ə zaŋse ndo kə ndɔ̀ʼɔ vayn vɨ̂mè kwu.”

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 2:19

M tə nə̂, ə̀ghɛ ə kayntəghe ekwùtwəyn, ə M tyəyn chwìəse ə chi. Ndə̂mə̀m tə sɨsə̀, ə wusve pɛ, ə ndəʼke fɨ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 2:43

Ghɨətomə tè nə̂ ə̀ghɛ kayntə è chwìə se tsɨəse. Ghɨghe əkɨ̂m ə fe, nyi èkaynze.

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

Ətefɨ̂aʼ 5:12

Ghɨətom ə Njisə̀sghè tè nə̂, sèchwìə è ghɛ kayntəghe, ghe tsɨ̂ə kə nyi əfètə̂ ghɨ̀ se tyə̀yn atyaʼa Fezhə̀kè. Nâʼà ghɨə poməghe əkɨ̂m tè zàŋsə zûŋtə̀ Atɔyne ə Sòlomùynkè ə ndɛ ə̀ Fèzhə̀.

Ətefɨ̂aʼ 6:8

Shìtifɨ̀yn tè nyi wùə mə Zhə̀fè ə pɔsê vəyn nâʼà àchûŋ, ə fɨnə fo àtyaʼ sê vəyn nə è və nə̂ ə̀ghɛ əkayntə əfètə̂ ə̀ghɨ̀, ghe tyə̂nə̀ àtyaʼ ə Fezhə̀kè.

Ətefɨ̂aʼ 7:36

È nyi Mosîs ətəyn ə è tè njì fɨ è ghɨə Isìlâyghè ə Enjìp. È və nə̀ əghɛ əkayntə, ə fɨnə tyə̀ynə̀ sèchwìə se kayntəse ə Enjìp. È və nə̀ kəpî ə̀ghɛ ə kayntə ə Enjwì ə Fengwaŋ epaŋəve, ə fɨnə nə̂ kəpî ghəmɔ̀ʼɔghe endaʼa ashishize sə sepìŋ m̀ghɨm m̀kyàʼ.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

1 Kɔlìŋ 1:22

Ghɨ Njûsə̀ kyiŋə kə sèchwìə se kaynəse, ghɨ Nglêkghè e kyiŋə sə̂ kyi etɔf eghaʼâzè,

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

2 Tèsàlonikà 2:9

Wùə ə̀ghɛ pi nə vɨ̂yn tə pə̂ è tyaʼa, mə ə̀ fo Satàyn nə è və nə̂ ə̀ghɛ kayntə akaŋ ə tsɨəghe, tyə̂nə̀ sèchwìə sə akaŋ shîse sê ghɨ.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.