Njɔyn 4:3 - Ŋwàʼlè ə̀ Fèzhə̀ Mkâyn Mə̂ Fèm

³ Kə Njisə̀s zɨ ghɛ zɛ ə tè pìə kûmə̀ Vəyn, È və ndò apàs endaʼ ə Njòdyâkè ə kɛsə̂ ndûə apàs endaʼa Ngalìlîkè,

Njɔyn 4:3 ပူးပေါင်းရင်းမြစ်များ

Matyò 10:23

Ə tsɨ̂fsə̂ ghàyn ə tɔ̂ŋ èmɔ̀ʼ, gha tə ndûə ə tə zə mɔ̀ʼɔze. M piə sê ghàyn səmɔʼ nə ghàyn tə nə̂ mɨ̂sə̀ va fɨ̂aʼ zaynze ə setɔ̂ŋ sə Isìlâytè tekɨ̂m ndɔ̀ʼɔ Va Wùə kɛse pəyn.

Ŋwàʼlè ə̀ Mâk 3:7

Njisə̀s ə ndò ə ndùə yî chùmtè èpàm sə vəynse ə enjwì ə Ngalìlîvè. Ghɨghe ə ndùə ə Njisə̀s epàm, tsɨ̂ə kə nyî mə ə ndo apàs endaʼa Ngalìlîkè ə fɨnə ndô ə Njòndyâ,

Tom èchùŋ kè kə Lûk tè nyaʼ 17:11

Njisə̀s ə ndo se fɨnə ndùə ə Njèlusalɛ̀m ə fɨ ə njiə endom vɛ ə ve tɔynə ekwàŋ ə Sàmalyà yî Ngalìlî,

Njɔyn 1:43

Ə fetuʼ fə mɔ̀ʼɔfe, Njisə̀s ə chɔʼnə̂ se ndù apàs endaʼ ə Ngalìlîkè. È və fe Filìp ə pìə sê vəyn nə, “chùmte Mi!”

Njɔyn 10:40

Njisə̀s ə ke kɛsə tyàŋ apàs endaʼa tsô eghaʼâ ə̀ Njondàynkè, elùʼ vɛ ə Njɔyn Fo M̀mò tè fo môm, ə ndamə fu.

Njɔyn 11:54

Zɨnə mə ə nə̀ Njisə̀s e fɨnə fɨə va ə ndayn əfètə̂ ghɨ Njûsə̀. Yî chùmtè èpàm sə Vəynse ə pɨlə ndô ndûə ə tɔ̂ŋ zhîzè, e tɔŋtə̂ nə Ɛfelèm, ndamə fumə. Ndaʼ nə zɛ tè nyì paʼsê elùʼ ashəshəve.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 3:22

Epàm ə zɨnə mə, Njisə̀s è chùmtè èpàm sə vəynse ə ndùə apàs endaʼa Njòndyâkè, ə ndamtə̂ se chə yî ghə̀ ghənə, fo m̀mo sê ghɨə.

Njɔyn 3:32

È tsâ èghɛ zɛ ə È fe ə zɨə, pîza wùə vîvè pomə̂ va Vəyn.

Njɔyn 4:47

Kə è tè zɨ nə Njisə̀s ə ndò apàs endaʼ ə Njòndyâkè ə pə̀ apàs endaʼ ə Ngalìlîkè, è və ndùə se vəyn ə chyatə̂ Vəyn nə ə È pəyn ə Kàpanùm ə È tsuʼ vayn vî vɛ ə è nyì ke se kwu.

Njɔyn 7:1

Epàm əghɛ ghɨ̀nə̀ ə̀kɨ̂m, Njisə̀s e sè kwîə ka ə telùʼ ə telùʼ apàs endaʼa Ngalìlîkè, kɔ̀ŋɔ̀ va se kwiə ndu apàs endaʼa Njòdyâkè, kûmə̀ nə ghɨə Njûsə̀ fu tè kyiŋə se zhwiə Vəyn.