Njɔyn 4:23 - Ŋwàʼlè ə̀ Fèzhə̀ Mkâyn Mə̂ Fèm

²³ Pîza shîŋə̀kè pə̂ ndò, mə kə kâynè pəyn, mə ghɨ ghɛ ə ngɨmnə Zhə̀fè səmɔʼ tə ngɨmnə̂ Fèzhə̀ ə Sezuʼ è kɨsè səmɔʼ. Ə̀ ghɨnə nyi əghɨ ghɛ ə Pɨ̀a kyiŋə nə ə ngɨmnə̂ zhi səmɔʼ.

Njɔyn 4:23 ပူးပေါင်းရင်းမြစ်များ

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 12:23

Njisə̀s ə pìə sê ghənə nə, “Shîŋə̀kè ə kwəyn zôyn kə Zhə̀fè ndwise kɔyn ə Vâ Wûəkè ekwùtwəyn.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 16:32

Shîŋə̀kè pə̀ ndò, mə kâynè nyi zôyn, mə ghàyn əkɨ̂m tə chyasə̀, ə nâʼàpî ndè ə ndûə kə və ndɛ, ə za Mi Mî nɨŋ. Pîza M lote vachi Mi nɨŋ kûmə̀ nə Pɨ̀a nyì ghâsè Vəyn.

Njɔyn 4:21

Njisə̀s ə pìə sê vəyn nə, “Wùzhɔyn pomə ghɛ zɛ M tsâ sê ghò. Shîŋə̀kè tə pə̂ mə ghɨə tə ngɨmnə̂ va Pɨ̀a fa etûə pfɨ̀yn, pî ə Njèlusalɛ̀m.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 5:28

Kə ghàyn ə nyi è kaynze kûmə̀ zɨ̂nə mə; shîŋə̀kè nyiə pə̂ mə ghɨ ekwuə nâʼà ə̀kɨ̂m tə zɨə èwâmnè ə Vəyn,

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ŋwàʼlè ə̀ Pɔ̂l sê ghɨə Lûmghè 8:26

Kèpî èghɨ, zuʼsə Fezhə̀sè pə̂ kəpi ndò se tsàmtə ghâsènì pî kə ghâsènì tɛ va tyaʼke. Ghâsènì keva kə kyi se tsə̀m, pîza ə̀ nyi sezuʼ sə səynsə ngɨŋ ə se tsə̂mə̀ sê è tsɔ̂yn zɛ ə ze tsɨ̂ə tsɛ pîzè.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.