Njɔyn 4:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Wùzhɔyn ə Sàmalyà ə̀təyn ə pìə sê Njisə̀s nə, “Tyə̀ynsè, fo mi èmô mə tə̂m! kə m tə tàʼa fɨnə kyiə pfɨ̀ŋ ə̀ m̀mò, ə m taʼa kɛsə pə̀yn fayn se tuə mmo.”

Njɔyn 4:15 ပူးပေါင်းရင်းမြစ်များ

Njɔyn 4:16

Njisə̀s ə tsà se vəyn nə, “È ndu tɔŋɔ ndom ə̀ vəyn, ə è kɛse pəyn.”

Njɔyn 6:26

Njisə̀s ə pə̀ynsə̀ ghənə nə, “M pîə sê ghàyn səmɔʼ nə, ghàyn kyiŋə pə̂ Mi kûmə̀ nə ghàyn tè zhi apayn ə kwaŋke, nâʼàpî ndè ə zhiə kolə, ə̀ vachi kûmə̀ ə̀ghɛ ə kayntə ghɛ M tè nəyn nə ghàyn ə kyiŋə Mi.

Njɔyn 6:34

Ghənə ə pìə sê Vəyn nə, “Tyə̀ynsè, fo ghàs è payn ə kwaŋ nə kɨ̂yn shîŋə̀ tekɨ̂m.”

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 8:5

Ghɨ ghɛ ghe ndamə kə njà se ewìynse kyiŋə, ndə̂mə̀ ə̀təm ə ghənə̂ghè əghɛ ghɛ ə njà se ewìynse kyiŋə nə ghənə ə nə̂. Pîza ghɨ ghɛ ə ghe ndamə kə Zuʼsə Fezhə̀sè kyiŋə, ndə̂mə̀ ə̀təm ə ghənə̂ghè ə zuʼsə Fezhə̀sè.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

Njə̂m 4:3

Pî ezhoghɛ ə ghàyn pfɨf, Zhə̀fè fo va kûmə̀ nə ghàyn pfɨfə va è kwâʼtè echuŋzè. Ghàyn pfɨfə kə nə ə fo ghàyn ə nə̂ ə̀ghɛ ghɛ ə wiyn vaynve kɔ̂ŋə̀ è fɨa nə vɨ̂yn.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.