Njɔyn 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Wùzhɔyn ə̀təyn ə pìə nə, “Pɛ apɨəyn, Ò kyi va fɨa kɛ ə tuə mômè ətəyn, puʼ mmò kɨ̂nə̀ e lɔŋɔ. Ò nə̀ njìə ghayn mô mɛ ə m̀ fo ndam zə?

Njɔyn 4:11 ပူးပေါင်းရင်းမြစ်များ

Njɔyn 3:4

Nìkòndemùs ə pfɨfə sê vəyn nə, “Ə nyi kàʼa kɛse pîə zàyn wùə èghaʼâ? È vayn kaʼa è fɨyn nji ə nyì endwɔ̀ kə ə piə vəyn nə ndu shîŋə̀ tepɛ̀!”

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 7:37

Ə tè nyi etuʼ azhi ə kwuŋsəke, mə za nyi nâʼà etuʼe kɔʼnəve, Njisə̀s ə ndwìə tyəmə ə pìə è kyə̀ ètɛ nə, “Ə pfɨ̀ŋ m̀mò zuʼsə nâʼàpî ndè è və pə̀ sê Mi kə M fo môm, ə è mɨ.

Ətefɨ̂aʼ 10:14

Pîza Pità ə pìə nə, “M vayn kàʼa m mɔm ə Pɛ̂pɛ, kûmə̀ nə m pâʼà tyəm zhi fɨake, saʼ endaʼ zasze e pamə kɨ̀sə kɛ ə ke zo va ə Zhə̀fè shi.”

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.

Etyə̂yn ə paynsêzè 7:17

kûmə̀ nə Va Ndzè vɛ ə è tsɨs əfètə̂ fèkyə̀ tə nə̂ ə è və nyi ngyəyn ə̀ ghənə̂. È tə njìə ndùə è ghənə ə setɔŋ sə mmò sɛ ə se fo ndamze, ə Zhə̀fè zəs shîmè m̀kɨ̂m ə ghənə əshi.”