Njɔyn 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Fofa tsɛ̂ nâʼà pî elùʼ èkè vɛ ə ke kɔ̂ŋə̀, ò zɨə kə ke tsɛ̂ pîza vayn tsàyn eluʼ vɛ ə ke ndô pə̂ ətəyn è luʼ vɛ ə ke ndûə ətəyn. E nyi kepî zamə sê nâʼàpî ndè vɛ ə piə vəyn ə Sezuʼ sə Fezhə̀sè.”

Njɔyn 3:8 ပူးပေါင်းရင်းမြစ်များ

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Njɔyn 3:7

Kə ghàyn ə nyi è kaynze kə m pî nə ə kyi se kɛsə piə ghàyn əkɨ̂m sə fe.

Njɔyn 3:9

Nìkòndemùs ə pfɨfə nə, “Ze kaʼa e kyayn zayn zə?”

Ətefɨ̂aʼ 2:2

Kè nyi, fɨake ə kô ekwùtwəyn nyiə kə afof atɛke ə fɨnə kô ə ndɛ zɛ ə ghənə tè nyi ətəyn èkɨ̂m.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 2:11

Ə̀ nyì ke sèzuʼ sɛ ə se nyi ə wùə ewìyn ə se ke mɨsè wùə ətəyn. E za nyì kepî èghɨ kə̂ wùə vayn kàʼa è ke ghɛ zɛ ə ze nyi ə Zhə̀fè e kwàʼtè, ə̀ tsɛ̂ kə va Zuʼsə sə Vəynse.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.