Njɔyn 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Njɔyn 3:5 ပူးပေါင်းရင်းမြစ်များ

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 19:24

M tsâ kwəynsə̂ sê ghàyn nə, e pɔynə̂ sê nyàm ə̀ kwaŋ se tɔynə apùʼ ə saʼke tsɛ̂ kə wùə èghaʼâ nji elùʼ efɔ̂yn ə Fezhə̀vè.”

Matyò 21:31

Njisə̀s ə pfɨfə sê wùə èshyə̀ èngaŋtə nə, Ə̀ nyi nde ə ghɔyn ghɨ̂yn əfètəyn ə̀pɛ̀ ə è nə̀yn ghɛ zɛ pɨ̀a tè kyiŋə ə? Ghənə pə̀ynsə̀ nə, “Ə nə̀yn və shi.” Njisə̀s ə ke pì sê ghənə nə, “M pîə sê ghàyn səmɔʼ nə, ghɨ ghɛ ə ghe tənə tâksè è kwàlàvè tə njiə elùʼ efɔ̂yn ə Fezhə̀vè sə ghàyn sə shi.

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Matyò 5:20

M tsâ sê ghàyn nə, ghàyn tə njiə elùʼ efɔ̀yn ə Fezhə̀zè kè ezhoghɛ ghɛ zɛ ə ghàyn nə̀ sê Zhə̀fè tsɨ̀ə zə setyə̀ynsè se elwɔ̀ŋsè è ghɨ Falàsîə.

Ŋwàʼlè ə̀ Mâk 10:14

Ə pə̀ kə Njisə̀s fe ghɛ zɛ ə ghənə nə̂, è və nyɔ̀ʼsə̀ ètɔŋ ə pìə sê ghənə nə, “Ghàyn za mɨ̂ətə̀m, ə ghənə pəyn sê mi. Kə ghàyn fɨyn tâmtè ghənə kûmə̀ nə fɔ̂yn ə Fezhə̀vè kyi əghɨ ghɛ ə ghe nyi kə ghənə.

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Ŋwàʼlè ə̀ Mâk 9:47

Shi zɛze ə nə̀ nə ò nəyn pi, o pɔ̀ʼɔ̀ fɨsə̂. E tsɔ̂fə̀ nə ò nji efɔ̂yn ə Fezhə̀vè è shize emɔ̀ʼ tsɛ̂ kə ə maʼa ghô elùʼ ewùs è shighə pɛ̀,

Tom èchùŋ kè kə Lûk tè nyaʼ 13:24

“Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

Tom èchùŋ kè kə Lûk tè nyaʼ 13:3

E va chi za nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ghɛ ə pi ghaynghe, ə ghà əkɨ̂m tə njìsè kepî zâ.

Tom èchùŋ kè kə Lûk tè nyaʼ 13:5

e va chi zâ nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ə ghɛ ə pi ghaynghe, ə ghàyn əkɨ̂m tə njìsè kèpi zâ.”

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Njɔyn 3:4

Nìkòndemùs ə pfɨfə sê vəyn nə, “Ə nyi kàʼa kɛse pîə zàyn wùə èghaʼâ? È vayn kaʼa è fɨyn nji ə nyì endwɔ̀ kə ə piə vəyn nə ndu shîŋə̀ tepɛ̀!”

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Kɔlìŋ 2:12

Ghâsènì pâʼà fi zuʼse mə se ndo ə mbi, ghâsènì pɨl fi sèzuʼ sɛ ə se ndô sê Zhə̀fè kə̂ ghâsènì ə ke èfɨa vɛ ə Fe fo sê ghâsènì.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.