Njɔyn 3:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Vɛ ə Zhə̀fè tom wâmnə̀ èwâmnè ə Fezhə̀zè, kûmə̀ nə Zhə̀fè ə fo vəyn è Zuʼsə Vəynse mə sə lwiyn.

Njɔyn 3:34 ပူးပေါင်းရင်းမြစ်များ

Matyò 12:18

“Nayne kə, ə̀ vɨ̀nə nyi wùə èfɨ̀aʼa vɨ̂m vɛ ə m chɔʼ, M kɔŋə̀ ndò vəyn kɛsə̂ saŋnə̂ ghasè vəyn. M tə tomə Sèzuʼ sɨmse ə sə nyi yîghə̀ vəyn, ə è tsɛse saʼə səmɔʼe sê ghɨatumə.

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Njɔyn 1:16

Ə Vəyn afùʼ kɛ ə ke nyi mə kə lwiyn kwəyn, È və pɔsê ghâsènì əkɨ̂m, ə fo ghâsènì è pɔsê əte kyì əte kyì.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Njɔyn 7:16

Njisə̀s ə pə̀ynsə̀ nə, “Ghɛ zɛ M zaʼlə vachi Zɨm nə ezaʼlê, pîza ze pə̂ se Zhə̀ Fɛ Fe tom mi.

Njɔyn 8:40

Nâʼà ə̀ghɛ ə̀kɨ̂m ghɛ M nyi mə mə tyə̂m nəyn nyi nə m tsayn səmɔʼ sê ghàyn zɛ m zɨ sê Zhə̀fè, pîza ghàyn e mɔ̂msə̀ se zhwiə mi. Ə̀ zɨnə vachi èghɛ zɛ Aplàghâm tè nəyn.

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 2:9

Kə ghàyn pomə nə tyə̀ynsè sə akaŋ nə sɛ mə lese ghàyn kûmə̀ nə tyaʼke è tsɨ̂nè ə̀ Fèzhə̀zè nyì ndô əfètəyn èwìyn ə wûə m̀sɔ̀ŋ ə Klaysvè.

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,