Njɔyn 3:31 - Ŋwàʼlè ə̀ Fèzhə̀ Mkâyn Mə̂ Fèm

³¹ Vɛ ə è ndò pə̂yn ekwùtwəyn nyîə kɔʼnə̂ tsɛ̂ nâʼàpî ndè vɛ ə piə ə chi nyi ke kə wùə chi, wàmnə̀ kûmə̀ kə ə̀ghɛ ə chîə. Pîza vɛ ə è pə̀yn ekwùtwəyn nyîə ngaŋtə tsɛ nâʼàpî ndè.

Njɔyn 3:31 ပူးပေါင်းရင်းမြစ်များ

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Njɔyn 1:15

Njɔyn ə tə wàmnè kûmə̀ vəyn. È tè chì fɨ̂ pə̂yn nə, “Ə̀ vɨ̂nə nyi vɛ ə m tè wàmnə kûmə̀ vəyn kə m tè pìə nə, ‹Wùə pə̀ ndò ə mi epàm, pîza tsɨ̂ə tsɛ̂ mi kûmə̀ nə È tè nyì chi ndò tsɔ̀fə kə ə piə mi.›”

Njɔyn 1:30

Ə̀ nyi vəyn vɛ m tè wàmnə̀ sê ghàyn kûmə̀ vəyn kə m tè pi nə, ‘Wùə nyiə pə̂ ə mì epàm, pîza È nyiə tsɨə tsɛ̂ mi, kûmə̀ nə è tè kàyne nyi ndò tsɔ̀fə kə piə mi.’

Njɔyn 3:30

È kyi sə̂ ngaŋtə̂, m tsotə̂.

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Njɔyn 8:23

Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ipilù 9:1

Kàyn mə shîmè tè nyîə kyi èlwɔ̂ŋ engɨmnəve, è kɨsè luʼve mə ə nəyn nə ə ngɨmnə̂ Fèzhə̀ ətəyn.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.

1 Njɔyn 4:5

Fɨ̀aʼtè sə akaŋse nyi əghɨ ə mbighe, ghənə wâmnə̀ ə̀ghɛ kûmə̀ ə̀ghɛ mbiə, mbi e zɨtə̂ sê ghənə.

Etyə̂yn ə paynsêzè 19:16

Ə̀ tè nyi mə ə nyàʼ zəze apàs ə fepfɨ̀ kɛ ə ke tè kɨytə pî ə vəynke nə, “Fɔ̀yn sê fɔ̂yntè, è Pɛ̂pɛ sê Pɛ̂pɛse.”