Njɔyn 3:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Wùə vɛ è malə wùə zhɔyn nyi vɛ ə è kyi zhwîə ə̀təyn. Pîza so ə̀ ndom ə̀ wùzhɔyn vɛ ə è tyəm lɨmtə̂ nyîə saŋnə nâʼà sə ŋaŋ ezhoghɛ è zɨ kyə̀ ə̀ ndom ə̀ wùzhɔyn. Ə̀ za nyì kepî zamə kə saŋnê zɨme nyi mə zə lwiyn kwəyn.

Njɔyn 3:29 ပူးပေါင်းရင်းမြစ်များ

Matyò 22:2

“Ə kaʼa ə səyne fɔ̂yn ə ekwùtwəyn è fèmɛngâyn fə fɔ̀yn vîvè ə è tè pɨaʼte zhi ə malə̂zè sê va vəyn ve ndômə̀.

Matyò 25:1

Njisə̀s ə fɨnə mɛ̀ ngàyn zhîzè nə, “Shîŋə̀ kɛ ə Vâ wùə tə pə̂, fɔ̂yn ə ekwùtwəyn tə nə̂ ə və nyi kə sengɔ̀yn sèghɨm ə se tè nji lâmsə ghənə̂sè ə fɨə ndûə zâ ndomə̀ wùzhɔyn.

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Tom èchùŋ kè kə Lûk tè nyaʼ 15:6

ə è kwɨlə ndù tɔŋne əsoyn ə vəynghe, è kɔtə vəynte ə è pi sê ghənə nə, ‹Ghàyn pə̀yn ə ghâsènì zhi tuʼ vɨnə̀ ndàyn kûmə̀ nə mə fe ndzè zɨ̂mzè kə è tè njisə̀, ghɛ ətəynze e tsɔ̂fə̀ sê mi nâʼà àchûŋ.›

Njɔyn 15:11

M tsâ ə̀ghɛ nə ghɨ̂yn sê ghàyn kə ghàyn ə kyi kepî esaŋnê zɛ ə M kyi, ə nyi esaŋnê mə ze ə lwiyn kwəyn.

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Njɔyn 17:13

M pə̂ se Ghò zôyn, pîza M pîə ə̀ghɛ ghɨ̀yn mə M pa nyi ə mbi, kə ghənə tə kyî èsaŋnê Zɨm zɛ ə ze nyi mə zə lwiyn ə ghənə ə fètə̂ ə̀təm.

Njɔyn 3:30

È kyi sə̂ ngaŋtə̂, m tsotə̂.

2 Kolìŋ 11:2

M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

Filìpây 2:2

Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.

1 Njɔyn 1:4

Ghàs nyàʼà ə̀ghɛ nə ghɨyn sê ghàyn nyî kə ghe nəyn, ə ghâsènì kyi saŋnê zɛ ə ze kwəynə.

2 Njɔyn 1:12

M kyi əghɛ se pì sê ghàyn, ghe tsɨ̂ə kə nyî, pîza kɔ̂ŋɔ̀ va se nyàʼ ndò. M pɨlə kwâʼtə̀ se pə fe ghàyn shwi m̀shwi kə saŋnê ə ghasènìze ə nyi mə zə kɔʼ kwəyn.

Etyə̂yn ə paynsêzè 21:9

Tsì èmɔ̀ʼ əfètə̂ sètsì sə Fezhə̀ sɛ èsɛ̀mbɛ ə se tè kyi kwaŋ vɛ èsɛ̀mbɛ mə ə lwiynse lɨ̀mè ətəyn za, ə̀ nyi mə̂ynmè ə m̀ pə̀ ètsôs tekwəmnə tekwuŋsə tɛ èsɛ̀mbɛ, ə pə̀ pìə sê mi nə, “Pə, m tyən zhwîə ndom sê ghò vɛ ə è nyì se njiə Va Ndzè.”