Njɔyn 3:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Njɔyn 3:27 ပူးပေါင်းရင်းမြစ်များ

Matyò 21:25

Njɔyn tè fo mmo mə è njì ghayn tyaʼke ə? Ə̀ tè fo Fèzhə̀ sê vəyn mə, mə əghɨ ə?” Ghənə zhə̀tə̀ se saʼnê è ngɨŋ sə ghənə̂sè pîə nə, “Ə ghâsènì pì nə, ‘Ə fo Fèzhə̀ tyaʼa sê vəyn,’ ə è pfɨf nə, ‘Kûmə̀ ghè ə ghàyn tè tàʼa pomə̂ se Njɔyn ə?’

Matyò 25:15

È və fo sê nâʼà pîndè kè ke tyaʼa vəynke nyi, sê vɛ mɔ̀ʼɔ e və fo sèkam sètâyn, ə fo sê pɛ̀ sê vîvè, ə fɨnə fo èmɔ̀ʼ sê və mɔ̀ʼɔ. È və ke ndo nduə ekwî.

Ŋwàʼlè ə̀ Mâk 13:34

E nyi kə wùə ə è ndùə kwîzè. È və zà ə̀ghɛ ə̀kɨ̂m əghɨ fɨaʼa vəynghe əgho. È və tsà èghɛ zɛ kə nâʼàpî ndè ə nə̂, ə pìə sê wùə vɛ ə è tsɨ̀ŋnə̀ echondɛ nə è və tɔ̂ʼnə̀.

Njɔyn 10:41

Ghɨ tsɨəghe ə pə̀ sê Vəyn ə pìə nə, “Njɔyn tè paʼà tyə̀yn nâʼà chwìə èkayntə zhîzè èmɔ̀ʼ pîza nâʼàpî èghɛ èkè zɛ ə è tè pi kûmə̀ wùə vɨnə̀ tè nyì səmɔʼ.”

Njɔyn 6:65

È və kwəynsə̂ nə, “Ə̀ zɨnə nyì kepî èghɛ zɛ M tè tsàyn sê ghàyn kə M tè pi nə, ghɨ yîghe vayn kaʼa ə ghe pəyn se Mi ə̀ tsɛ̂ kə va mə Pɨ̀a Vɨ̂m və nə̀yn nə ghənə pəyn sê Mi.”

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

1 Kɔlìŋ 1:1

Ə nyaʼ mi Pɔ̂l ŋwàʼlè zɨ̀yn. Ə̀ tɔŋə Fezhə̀ mi nə mə nyi wùətom ə̀ Klâys Njisə̀s. M nyâʼà ŋwàʼlè zɨ̀yn ghasè ànyìə ghâsènì Sòstinìs.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.