Njɔyn 3:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Chùmtè sə Njɔyn shîse sè saʼnə̂ è wùə Njûs vîvè, kûmə̀ èndom vɛ ə ghɨə Njûsə̀ tè shuə wiynve ətəyn ə ghənə endam endaʼze sə̂ zo kwənə̂ ə Zhə̀fè əshi.

Njɔyn 3:25 ပူးပေါင်းရင်းမြစ်များ

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Ŋwàʼlè ə̀ Mâk 7:8

Ghàyn ə maʼa lâŋ ə Fezhə̀kè, ə tɔ̀ʼɔ̀ kyiə kə èzaʼlê ə wûə m̀sɔ̀ŋze.”

Njɔyn 2:6

Tɔ̀ynsè tè nyì paʼsê fumə elùʼ mə ə tsof ə tə̂ chi. Ə tè nyì fumə ekyì ə sètɔ̀yn ə ghɨə Isìlâyghè tè ndə̀mə môm sə shûə èwiyn ə ghənəvè ətəyn ashìŋə̀ ə tsəməke. Nâʼàpî tɔ̀yn èkè tè kaʼa è kyi sɔ̀ʼ sə mmòse ewə̀.

Ipilù 6:2

nə ghɨ kyi se fi mmo, nə kyi sə̂ ndə̀mə̀ ə̀gho ə ghɨghə tu pɔsə̂ ghənə, nə ghɨ tə zômə̀, nə Zhə̀fè tə saʼa ə̀ghɨ ə kwùŋse ə mbi.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.

Ipilù 9:23

Fɨa vɛ ə ve nyi efusè ə vɛ ə ve nyi ekwùtwəyn tè nyi nə shu zosê endom nə vɨnə mə. Pîza fɨa vɛ ə ve nyi ekwùtwəyn pɨlə kyiŋə tèfo tɛ ə te tsɔfə tsɛ tɛ ə fo sê fûsèvè.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.