Njɔyn 3:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ə̀ nyi nyiə kə Zhə̀fè tə tsɛsə̀ saʼa Vəynze: paynze ə nji ə mbi, pîza ghɨghe kɔ̂ŋɔ̀ kə àlɨm tsɨ̂ətsɛ̂ kə kɔ̂ŋə̀ paynze kûmə̀ sèpi sə ghənə̂sè.

Njɔyn 3:19 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:47

Ə wufɨ̀aʼa se ke eghɛ zɛ ə pɛ̀ èfɨ̀aʼ ə̀ vəyn kyiŋə, ə tàʼa fɛte ə ngɨŋ ə vəyn se nə̀yn, ə pus vəyn nâʼà sə ŋaŋ.

Tom èchùŋ kè kə Lûk tè nyaʼ 16:14

Ghɨ Falàsî yîghe ə zɨə za sè chaʼa Njisə̀s kûmə̀ nə ghənə tè kɔ̀ŋɔ̀ kɛu.

Njɔyn 1:4

Ndam ze ekɨ̂m ndô pə̂ sê Kyə̀ ə̀təyn, ə̀ nyi èndam ətəynze ə ze pə̂yn èpayn sê ghɨ ghəkɨ̂m.

Njɔyn 1:5

Payn ətəyn panə əfètə̂ àlɨm, mə lɨm ətəynke vayn kàʼa ke ndɨmse zəynze.

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Njɔyn 12:46

M pəyn ə mbi kə epayn kə nâʼàpî ndè vɛ ə è pomə sê Mi tàʼa faŋ alɨm.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Njɔyn 7:7

Ghɨə mbighe vayn kaʼa payn ghàyn, pîza panə̀ Mi kûmə̀ nə M tyə̀nə̀ paynsə̂ tèndom tə ghɛ ə pi ə ghənə̂tè.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Njɔyn 9:5

Kè kə M nyi ə mbi, M nyi epayn sê mbi.”

Ŋwàʼlè ə̀ Pɔ̂l sê ghɨə Lûmghè 1:32

Ghənə ke ndô nə lâŋ ə Fezhə̀kè nyîə pîə nə ghɨ ghɛ ghe ndamə famə endom kyi se kwu. Pîza ghənə paʼà faŋ ke sə̂ nə̂ ə̀ghɛ nə ghɨ̀yn, pîza pɨlə tɔ̂ʼɔ̀ kəpî ə̀ghɨ ghɛ ə nə̂ ghɛ ətəynghe.

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

2 Tèsàlonikà 2:12

famə endom, è tə saʼa, ə è pi nə nâʼà ə̀ghɨ ə̀kɨ̂m ghɛ ə ghe tàʼa pomə tom ə̀ səmɔʼ, pîza pɨlə kɔ̂ŋə̀ kə pi ə pfɨ̀ saʼ.

1 Pità 2:8

Ə fɨyn nyâʼ kèpi ə Ŋwàʼlè ə̀ Fèzhə̀ nə: “Ə̀ nyi echi, zɛ ə ghɨ tyamtə̂ ətəyn, ə nyi ànayn, kɛ ə ke tə nə̂ nə ghənə pfɨ.” Ghɨ nə̂ tyamtə̂ ətəyn kûmə̀ nə ghənə zɨtə̂ va tom ə̀ Fèzhə̀, ə nyi èghɛ zɛ ə Zhə̀fè tè nyi mə fe ə ndə̀m nə ghənə ə nə̂.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,