Njɔyn 21:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô.

Njɔyn 21:7 ပူးပေါင်းရင်းမြစ်များ

Ŋwàʼlè ə̀ Mâk 11:3

Ə ghàyn pîə zhə̀nə̀ ndò, ə pfɨfə pîndè sê ghàyn nə, ə pi ndè nə ghàyn zhə̀nə, ghàyn ə pìə nə, ‹Pɛ̂pɛ nə kyi èghɛ se nə̀yn è zə̂yn, nyi se kɛsə tiynsə̂ kə zôyn.›”

Tom èchùŋ kè kə Lûk tè nyaʼ 12:35

Njisə̀s ə fɨnə piə sê chùmtè epàm sə vəynse nə, “Ghàyn pɨate ngɨŋ saynse se nə̀ efɨ̂aʼ, ə ghàyn tyayn lâm saynse ə pfɨ̂tə̀

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Tom èchùŋ kè kə Lûk tè nyaʼ 7:47

Kûmə̀ nyi m piə sê gho nə, kɔ̂ŋ èghaʼâ zɛ è tyən sê mi tyə̂nə̀ nə Zhə̀fè ə lɛ̀sè fo ghɛ piə vəynghe nâʼà əkɨ̂m, pîza wùə vɛ ə lɛ̀sè fo vəyn kè sechə pɔŋɔ tyə̂nə̀ kə èkɔ̂ŋ se chə.”

Njɔyn 13:23

Chùmtè èpàm ə̀ Njisə̀s zhîzè emɔ̀ʼ vɛ ə è tè kɔ̂ŋɔ̀ sə nɨŋ e tsɨs paʼsê sê vəyn.

Njɔyn 19:26

Njisə̀s ə fe nyìə Vəyn è chùmtè èpàm ə̀ Vəyn vɛ ə è tè kɔ̂ŋɔ̀ è tyəm fumə, È və pìə se nyì nə, “Nyì Vɨ̂mè, ə̀ vɨ̀nə nyi vayn vɛ̂vè.”

Njɔyn 20:2

È və ndò pə̀ è nyɨŋe ə pə̀ fe Shimuyn Pità è chùmtè èpàm ə̀ mɔ̀ʼɔ̂ vɛ ə Njisə̀s tè kɔ̀ŋɔ. Mèli ə tsà se ghənə nə, “Ə fɨsê pfɨyn ə Pɛ̂pɛze eshyə̀ eghaʼâzè, ghàse ke va nə ə ndəm ghayn və!”

Njɔyn 20:20

Kə è wàmnè zâ ə ke tyə̀yn əgho vəynghe è tipì ə vəyn sê ghənə. Chùmtè èpàm sə Njisə̀sè tè fe Vəyn sè saŋnə̂ nâʼà sə ŋaŋ.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 21:20

Pità ə kə̀mnə̀ naynə̂ ə fe chùmtè zɛ ə Njisə̀s tè ngəsə̂ kɔ̂ŋɔ̀ zâ, è pə̂ ə ghənə epàm, ə nyi kepî vɛ è tè zaʼnə ndùə ə Njisə̀s ewìyn elùʼ ə ezhiəve zâ ə pfɨfə sê vəyn nə, “Pɛ̂, ə̀ nə̀ pəʼlə̂ ndè ghò ə?”

Njɔyn 21:24

Chùmtè èpàm ə̀ Njisə̀s nə zɨ̂yn ə nyi zɛ ə è tsâ ghɛ nə ghɨ̂yn, ə nyì kepî zə̂yn zɛ ə è tè nyàʼ ghɛ ətəynghe. Ghàs tè ke ndô nə ghɛ zɛ ə è pìə nyì ke səmɔʼ.

Njɔyn 21:8

Chùmtè sə mɔ̀ʼɔse ə fɨə pə̂ etipìə tsô əfètə̂ ngwùʼ èghaʼâ, shinə̀ pə̂ fèlàm fə embwɔ̀ fɛ. Fèlàm fətəynfe tè nyi mə mbwɔ̀vè ə lwiyn ətəyn. Ndom tè fɨnə tyâfə̀ va se nduə fɨ ə etipîə tsò. Ghaf ətəynke tè kàʼa ə kə nyi sètàm se zaʼâ ewə̀.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

Njə̂m 2:1

Ghɔnyì ghɨmə, ghàyn kə ghɨ pomə sê Pɛ̂pɛə ghâsènì Njisə̀s Klâys vɛ ə è kyi pomsêzè kyi va sə̂ kɔ̂ŋə̀ wùə ə̀mɔ̀ʼɔ̂, pânə̀ və mɔʼɔ̂.