Njɔyn 21:22 - Ŋwàʼlè ə̀ Fèzhə̀ Mkâyn Mə̂ Fèm

²² Njisə̀s ə pìə nə, “Ə M za nə è və ndamə kə ndò nâʼà kə m nə kɛse pəyn, ngəʼ zɛ̂zè nyi ghè ətə? Ò kyi ke se chùmtè ə Mi.”

Njɔyn 21:22 ပူးပေါင်းရင်းမြစ်များ

Matyò 16:24

Njisə̀s ə ke pì sê chùmtè èpàm sə vəynse nə, “Ə nâʼà pîndè ə ghàyn ə fètəyn kyiŋə se chùmtə Mi, ə è və kyi se lɛ̀sè ə ngɨŋə̂ vəyn, ə è pɨ̀aʼà wâmnè ə vəynke ə è chùmtè Mi.

Matyò 24:27

kûmə̀ nə pə ə Va ə̀ wùəzè tə nə̂ ə ze ə nyi ke kə eghol emɨayntəze ə ze panə awulə apàs ə mbike se nduə fɨ ə tə kə mɔ̀ʼɔke.

Matyò 24:3

Njisə̀s ə kɔʼɔ ə pfɨ̀ynə̀ Sèolìfs ə tsɨsə̂ ə chi. Chùmtè èpàm sə vəynse ə nyaʼtə̂ pə̂ se Vəyn ə pîə nə, “Tsàyn sê ghàs shîŋə̀ kɛ ə ghɛ ghɨ̀nə tə kyânə̀ ətəyn.” “Ə̀ tə nə̂ ə nyi chwìə èkè nə Ò pə̀ ndò è kɨsè nə mbi mîə ndò ə.”

Matyò 24:44

E za tyə̀nə̀ nə nâʼà ghàyn kyi kepî sə̂ pɨaʼtə̂ nâʼàpi ashìŋə̀ àkè, kûmə̀ nə Va wùə tə kɛsə̂ pə̀ ashìŋə̀ kɛ, ə ghàyn kwâʼtə̀ va nə è kàʼa è pəyn ətəyn.”

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 8:22

Pîza, Njisə̀s ə piə sê vəyn nə, “Chùmte Mi,” ə zà əghɨ ghɛ ə nyi əghɨ kwutə, ə ghe pfɨmə ghɨə kwutə ghənə̂ghè.

Ŋwàʼlè ə̀ Mâk 9:1

Njisə̀s ə fɨnə pîə se ghɨ nə ghɛ nə, “M pîə sê ghàyn səmɔʼ nə, ghɨ yiə tyəm ke nâʼà fayn zôyn, va se tə kwu ndɔ̀ʼɔ fe kə fɔ̂yn ə Fezhə̀vè pə̀yn ètyaʼa.”

Njɔyn 21:19

(Njisə̀s tè wàmnə̀ nyi, tyə̂nə̀ èkyì ekwu zɛ ə Pità tə kwuə zəynze, ze pə̂yn èpomsêzè sê Zhə̀fè.) Njisə̀s ə wàmnə̀ nyî, ə fɨnə pîə nə, “Chùmte Mi.”

Njɔyn 21:21

Pità ə fe zâ ə pfɨfə sê Njisə̀s nə, “Ə wùə vɨnə kwi zaynze ə Pɛ̂?”

1 Kɔlìŋ 11:26

E za tyə̂nə̀ nə nâʼàpî ashìŋə̀ àkè kɛ ə ghàyn zhiə payn ə kwaŋ nə kɨ̂nə̀, mɨə fa wà, ə zə nyi nə ghàyn tsà tom èkwu ə̀ Pɛ̂pɛ se zaʼâ kə è tə kɛsê pəyn.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

1 Tèsàlonikà 2:19

M tè kyiŋə se pə̀yn sê ghàyn kûmə̀ nə ə̀ nyi ghàyn ə ghàyn nə̂ nə ghàs ə kwaʼtə̀ lɨmtə, fɨnə nə̂ ghàs esaŋnə̂, kûmə̀ ghàyn, ghàs tə nə̂ ə pfɨ̂nə̀ àngàŋtè ə Pɛ̂pɛ ə̀ ghâsènì Njisə̀s əshi nə ghàs ə tɨm zhi ashìŋə̀ kɛ ə è kɛse pə̂yn.

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

Njə̂m 5:8

Ghàyn e wəynsə̂ kəpî, fɛtə̂ tɛ ə ghàyn epomə̂ kûmə̀ nə shîŋə̀kè ə paʼsê kə Pɛ̂pɛ kɛse pəyn.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.

Etyə̂yn ə paynsêzè 2:25

M pìə kə nə, ghàyn fɛte kyî èpomə̂ zaynze se zaʼâ kə m kɛse pəyn.

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!

Etyə̂yn ə paynsêzè 22:7

Njisə̀s ə pìə nə, “Ghàyn zɨte, M kwuʼə̀ pə̂ kə zôyn! Saŋnêzè nyì sê nâʼàpî ndè vɛ ə è ndə̀m ghɛ ghɛ ə ŋwàʼlè zɨ̀nə tsàyn nə ze nə̀ kyânə̀.”

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.