Njɔyn 21:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.”

Njɔyn 21:18 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:37

Ə pɛ̀ èfɨ̀aʼ kɛsə̂ kwɨlə̂ ə fe əghɨ fɨaʼa vəyn nə ghɨyn ghe kyâʼà, ə saŋnêzè ə nyi sê ghənə. M piə sê ghàyn səmɔʼ nə, kè nâʼà vəyn sə və ngɨŋ nəyn, ə ghənə tsɨsə elùʼ e zhiəe, ə è pɨaʼte ngɨŋ ə vəyn ə è tsɛ̂se fɨazhiəe sê ghənə.

Njɔyn 13:36

Shimuyn Pità ə pfɨfə sê Njisə̀s nə, “Ò ndùə ghayn ə Pɛ̂?” È və pə̀ynsə̀ nə, “Ò vayn kàʼa ò ndu elùʼ vɛ ə m ndûə ətəyn zôyn, pîza nyi se nə chùmtə pə̀yn.”

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Njɔyn 21:19

(Njisə̀s tè wàmnə̀ nyi, tyə̂nə̀ èkyì ekwu zɛ ə Pità tə kwuə zəynze, ze pə̂yn èpomsêzè sê Zhə̀fè.) Njisə̀s ə wàmnə̀ nyî, ə fɨnə pîə nə, “Chùmte Mi.”

Ətefɨ̂aʼ 21:11

È və pə̀ se ghàs ə fiə fèkô fə Pɔ̂lfè ə kɛsə kolə ə̀ghol ə vəynghe è gho sə və ngɨŋ ə pìə nə, “Ə̀ zɨnə nyi eghɛ zɛ ə Zuʼse Ŋwaʼase pî, Ə tə kolə̂ wùə vɛ è kyi kô fɨ̂nə̀ kèpi fa ekyì endom, ə ghɨə Njûs ghɛ ə ghe nyi ə Njèlusalɛ̀m ə fo tsɛ̂sè vəyn sê tumve.”

2 Kolìŋ 5:4

Shîŋə̀ kɛ ə ghâsènì nyì fâ ewìyn, ghâsènì e tsɔ̂nə̀ kə ghɨ ə zɨə tsɛ̂sə̀ tsôsvè. Ə̀ vachi nə ghâsènì pìə nə Zhə̀fè tsɨse wiyn vɨ̂nə ə ghâsènì ndamə ətəyn, ghâsènì pɨlə kyiŋə kə nə Fe kɨyte ghâsènì è wiyn ə ghâsènìve kwùtwəynve, kə fɨa kɛ ə ke kaʼa ə ke kwu, ə ke kwiyne sə afɨa kɛ ə ke ndamə faŋə.