Njɔyn 21:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Njisə̀s ə fɨnə pfɨfə sê vəyn nə ə̀ ndu shîŋə̀ tepɛ̀ nə, “Shimùyn, va Njɔyn, ò ndɨŋə kɔ̂ŋɔ̀ ndò Mi səmɔʼ ə?” È və pomə̂ ə pìə nə, “Pɛ̂, ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “Tɔʼne è ndzè sɨmse.”

Njɔyn 21:16 ပူးပေါင်းရင်းမြစ်များ

Matyò 2:6

‹Sê ghàyn ə ghɨ Petlɛ̀ghemə̀, ə mchi mə Njondàmè, tə̀ʼ zâynzè nyi tə̀ʼ èkɔʼnə èmɔ̀ʼ ə fètə̂ sètə̀ʼ endaʼa Njondàzè. Kûmə̀ nə wùə tə fɨə ə ghàyn əfètəyn, ə è və nyi àtu sê ghɨ ghɨmə ə Isìlây.›”

Matyò 25:32

Ə ghɨ tèndâʼà tə mbite tekɨ̂m zuŋte ə və shi. Ə è ke chyàtə ghənə sə enɔ̀yn èpɨ̀a, ə̀ nyì kepî zamə kə ngyəyn chyasə̀ fɨsə ndzèsè ə se pfɨsəndɔŋse. Ə̀ nyi zamə kə fɔ̀yn ə̀təyn tə ndə̂mə̀ ghɨ chichighe ə vəyn ekɔyn zhiəve, è ghɨ ghɛ ə vachi ə vəyn ekɔyn ekôvè.

Matyò 26:72

Pità ə fɨnə kwiynsə̂ ə pə̀ynsə̀ nə, “M kaynə̀ nə m keva wùə vɛ!”

Tom èchùŋ kè kə Lûk tè nyaʼ 19:10

Va Wùə te pə̀yn se kyiŋə əghɨ ghɛ ə ghe njise se sɔ̀sè əghənə.”

Njɔyn 18:17

Ə pìə ə njiə ndò, vayn èzhɔyn nə vɛ ə pfɨfə sê Pità nə, “Piə ò nyì kepî chùmtè èpàm ə wùə nə vɨnə vəmɔ̀ʼɔ̂?” Pità ə kwiynsə̂ ə pìə nə, “M vachi chùmtè èpàm ə̀ Vəyn.”

Njɔyn 18:25

Pità tè pa tyəm ke fumə zɨtə̂ èwus, ghɨə mɔ̀ʼɔghe ə pfɨfə sê vəyn nə, “Piə ò nyì kepî chùmtè èpàm ə wùə vɨnə vəmɔ̀ʼɔ?” Pità ə kwiynsə̂ ə pìə nə, “Nyâ mi! m vachi chùmtè èpàm ə̀ Vəyn.”

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

1 Pità 5:2

ghàyn e tɔ̂ʼnə̀ è ndzè sə Fezhə̀ sɛ ə se nyi ə ghàyn etyə̀. Kə ghàyn ə nə kəpiə ə ŋamnə̂ ndò ghàyn, pîza ghàyn e nə̂ mə ghàyn kɔ̀ŋə̀ ndò kûmə̀ nə ə̀ nyi zamə kə Zhə̀fè kyiŋə. Ghàyn e nə̀ èfɨaʼ zaynze ə̀ vachi kûmə̀ àfɨa kɛ ə nə̀ ndâʼà ghàyn ətəyn, ghàyn e fɨaʼà kûmə̀ nə ghàyn səmtə̂ ndò se fɨ̂aʼ sê Zhə̀fè.

Etyə̂yn ə paynsêzè 7:17

kûmə̀ nə Va Ndzè vɛ ə è tsɨs əfètə̂ fèkyə̀ tə nə̂ ə è və nyi ngyəyn ə̀ ghənə̂. È tə njìə ndùə è ghənə ə setɔŋ sə mmò sɛ ə se fo ndamze, ə Zhə̀fè zəs shîmè m̀kɨ̂m ə ghənə əshi.”