Njɔyn 21:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə̀ tè nyi kə ghənə zhi mɨ̂sè, Njisə̀s ə tɔŋtə̂ Shimuyn Pità ə pfɨfə sê vəyn nə, “Shimùyn, va Njɔyn, ò ndɨŋə kɔ̀ŋɔ̀ ndò Mi səmɔʼ tsɛ̂ sèchùmtè èpàm sɨ̂nə̀ ə?” È və pomə ə pìə nə, “Pɛ̂, Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “Tɔ̀ʼne è ghɔ sendzè ghɨmə.”

Njɔyn 21:15 ပူးပေါင်းရင်းမြစ်များ

Matyò 10:37

Wùə vɛ ə è kɔ̂ŋɔ̀ pɨ̀a kɨ̀sə nyì tsɨ̂ə tsɛ̂ kə è kɔ̂ŋə̀ Mi, kwənə va sə̂ nyi chùmtè èpàm zɨ̂mzè; Ə̂ kɔ̀ŋɔ̀ pindè vayn èndômə̀ vəyn kɨ̀sə vayn èzhɔynə̂ vəyn tsɨ̂ə tsɛ̂ kə è kɔ̀ŋɔ̀ mi, ə è və kwəynə va sə̂ nyi chùmtè èpàm zɨ̂mè.

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 26:33

Pità ə pìə sê Njisə̀s nə, “M vayn kaʼa m tə za ghò, pî ezhoghɛ ə ghɨə mɔ̀ʼɔ zâ.”

Matyò 26:35

Pità ə pə̀ynsə̀ nə, “M vayn kàʼa m tə pi èkyì eghɛ zâ, pi ezhoghɛ m nyi pî se kwu.” Chùmtè èpàm sə mɔ̀ʼɔse ə pìə kə pî èghɛ nə zɨnə mə.

Ŋwàʼlè ə̀ Mâk 14:29

Pità ə pìə sê Njisə̀s nə, “M vayn tə zà əgho, əghɨ ghəkɨ̂m zà pî ghò.”

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Njɔyn 1:42

Andɨ̀lò ə ke njìə ndùə è Shimùyn sê Njisə̀s. Njisə̀s ə naynə̂ vəyn ə pìə nə, “Zə zɛze nyi Shimùyn, ə va Njɔyn, pîza ə nə̀ nə̂ ə tɔŋtə̂ ghò zôyn nə Sefàs.” (Sefàs è Pità nyì ke è zə èmɔ̀ʼ, ze tyə̂nə̀ nə, anayn.)

Njɔyn 13:37

Pità ə pfɨfə sê vəyn nə, “M vayn kàʼa m chumte ghô zôyn kûmə̀ ghè ə Pɛ̂? M kaʼa kwu kûmə̀ ghò.”

Njɔyn 16:27

kûmə̀ nə Pɨ̀a Vɨ̂m è ngɨŋə̂ Vəyn nyîə kɔ̂ŋɔ̀ ghàyn. È kɔ̀ŋɔ̀ ghàyn kûmə̀ nə ghàyn nyîə kɔ̂ŋə̀ Mi, pomə̂ nə M tè ndò pə̂yn se Zhə̀fè.

Njɔyn 21:12

Njisə̀s ə ke pì sê ghənə nə, “Ghàyn pəyn ə ghâsènì zhi fɨazhiə pɨsə̀pɨsə̀ve.” È tè wàmnə̀ za, nâʼà chùmtè èpam ə vəyn èmɔ̀ʼ ə tàʼa mɔ̀msè se pfɨf nə, “Ə̀ nyi ghô ndè ə?” Kûmə̀ nə ghənə tè se ke nə ə nyi Pɛ̂pɛ.

Njɔyn 21:7

Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô.

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 20:29

M ke ndô nə ə nə̀ pə ezhoghɛ m ndô, ə nyam sə epɨase pəyn nji ə ghàyn ə fètəyn, ə se tàʼa zà ə ghɨə pomə nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

1 Kɔlìŋ 8:11

Ə ze nyi nyî, ə nyi mə o tɔynê ə ghò etɔf ə pofsə̂ ànyì ve vɛ ə è pɔ mə Klâys tè kwu kûmə̀ vəyn.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.