Njɔyn 20:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Njisə̀s ə pìə sê vəyn nə, “O pomə̂ zôyn kûmə̀ nə o fe mi ə? Pɔsêzè nyì sê ghɨ ghɛ ə ghe taʼa fe pîza ə pomə̂.”

Njɔyn 20:29 ပူးပေါင်းရင်းမြစ်များ

Matyò 13:16

Njisə̀s ə tsà kwəynsə̂ sê chùmtè èpàm sə vəynse nə, “Pîza pɔsêzè nyì sê ghàyn kûmə̀ nə ghàyn fe ndò ghɛ ghɛ ə ghàyn nyì se fe, zɨə ghɛ ə ghàyn nyì se zɨ.

Tom èchùŋ kè kə Lûk tè nyaʼ 1:45

Ə̀ nyi ke nâʼà esaŋnê sê ghò kə ò pomə nə ghɛghe ə Pɛ̂ Zhə̀fè pì nə ghe kwəyn nâʼà ə̀kɨ̂m.”

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 20:8

Chùmtè èpàm ə̀ Njisə̀s vɛ ə è tè pə̀yn sə shi zâ ə ke pɔŋɔ nji, ə fe ə pomə̂. (

Njɔyn 4:48

Njisə̀s ə pìə sê vəyn nə, “Wùə sê ghàyn tə pomə̂ va ə̀ tsɛ̂ kə va mə è və fe chwìə è ghɛ ekayntəghe.”

2 Kolìŋ 5:7

E nyi nyî kûmə̀ nə ghâsènì ndamə tɔynə̂ epomə̂, ə̀ va chi tɔynə̂ afɨa kɛ ə ghâsènì fe.

Ipilù 11:1

Sə̂ kyi èkyî epomə̂zè nyì nə fɨa vɛ ə ghâsènì kwàʼtə̀ lɨmtə vəynve, ghâsènì nyîə ke səmɔʼ nə ə tə kyiə vəynve. Pomə̂zè nyi sə̂ ke səmɔʼ nə fɨake nyiə nyi nâʼà pî kə ò pa tsɨs ndɔ̀ʼɔ ò fe fɨa ətəynke è shize

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

Ipilù 11:39

Zhə̀fè tè nyiə saŋnə̂ sê ghɨ nə ghɨ̂yn nâʼà ə̀kɨ̂m kûmə̀ èkyî epomə̂ zɛ ə ghənə tè kyi pîza wùə se ghənə tè paʼà kyî fɨa kɛ ə tè tsɨ̀ne.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.