Njɔyn 20:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Njɔyn 20:26 ပူးပေါင်းရင်းမြစ်များ

Matyò 17:1

Epàm ə mtuʼ mtufə, Njisə̀s ə njiə Pità è Njə̂m yî ànyìə vəyn Njɔyn ə kɔʼɔ è ghənə etûə pfɨ̀yn è ngaŋtə kə nyi, mə nyì ke ghənə fu.

Ŋwàʼlè ə̀ Mâk 16:14

Ə mòtə̀, Njisə̀s ə fɨnə tyə̂nə̀ ngɨŋ ə̀ vəyn sê chùmtè èpàm sə vəynse njò èmɔ̀ʼ mə ghənə zhiə ndò. È və zɔ̂ ghənə kûmə̀ nə ghənə tè kiva pomə̂zè, è kɨsè kə ghənə tè tə se pomə̂ nə ə fe vəyn mə è və zòmə̀.

Tom èchùŋ kè kə Lûk tè nyaʼ 24:36

Kə ghənə te wâmnə̀ kɔʼɔ ə əghɛ nə ghɨynə mə, Njisə̀s nâʼà è ngɨŋə̂ vəyn ə pfɨ̀ŋə̀ tyəmə ə ghənə fètəyn ə pìə nə, “pɔyne nyi sê ghàyn.”

Tom èchùŋ kè kə Lûk tè nyaʼ 9:28

Ə̀ tè se kɔʼɔ ndùə m̀tuʼ mfamə kə Njisə̀s wàmnè ghɛ nə ghɨ̂nə̀, è və njiə Pità, è Njɔyn, è Njə̂m, yî ghə̀ ghənə ə kɔʼɔ ə pfɨ̀yn se tsə̀m.

Njɔyn 11:16

Tɔ̀mɔ̂s vɛ ə tè tɔŋtə kəpî nə, (Epɨâʼsè) ə pìə sê chùmtè epàm sə Njisə̀s shise nə, “Ə ghâsènì əkɨ̂m ndo ndu ke ghasènyìə ghə̀ Tyə̀ynsè, kə ghâsènì nə̂ kwu paʼsê è vəyn.”

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 20:19

Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 21:1

Ə kɛsə̂ pə̂, Njisə̀s ə fɨnə fɨə kwəynsə̂ ə chùmtè èpàm sə vəynse, ə etipì enjwì ə Tàypelyàsè. Ə̀ nyiə nyì kə È tè tyəyn ngɨŋə̂ Vəyn sê ghənə.

Njɔyn 21:14

Njisə̀s tè tyə̀yn ngɨŋ ə vəyn sê chùmtè èpàm sə vəynse elùʼ nə vɨnə mə, nə ə nyi tèshiŋə̀ tèta kə è kɛse zômə̀.

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.