Njɔyn 20:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 20:21 ပူးပေါင်းရင်းမြစ်များ

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Matyò 10:40

Ə̂ fi ndzɨse pîndè ghàyn, ə̂ ə nyi mə è fi ndzɨsê mi, ə̂ fiə ndzɨsə̂ pindè mi, ə̂ ə nyi mə è fi ndzɨsê pɨ̀a vɨ̂m vɛ è tom mi.

Tom èchùŋ kè kə Lûk tè nyaʼ 24:36

Kə ghənə te wâmnə̀ kɔʼɔ ə əghɛ nə ghɨynə mə, Njisə̀s nâʼà è ngɨŋə̂ vəyn ə pfɨ̀ŋə̀ tyəmə ə ghənə fètəyn ə pìə nə, “pɔyne nyi sê ghàyn.”

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 20:19

Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 20:22

È və wàmnə̀ zâ ə fofə sèzuʼ ə ghənə tu, ə pìə nə, “Ghàyn ko Zuʼse Ŋwaʼase.

Njɔyn 20:26

Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

3 Njɔyn 1:14

M kwàʼtə̀ se pə fe ghô kè fa mtuʼlə̂. M pə̂, kə ghasè ghò fe shwi m̀shwi, ə kâte kɔʼ ndu ə̀ghɛ ətəynghe.