Njɔyn 20:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 20:19 ပူးပေါင်းရင်းမြစ်များ

Matyò 10:13

Ə ghɨ ndɛ ətəynghe fi ndzɨse ghàyn achûŋ, ə tɔŋtê zaynze ə pɔ̂ynzè faŋ sê ghənə; pîza ə ghənə taʼa fiə ndzɨsə ghàyn achûŋ, ə tɔŋtê zayn zə pɔ̂ynèzè kɛse pəyn sê ghàyn.

Matyò 18:20

Kûmə̀ nə ə ghɨ tsɨsə nâʼàpî ghayn se zaʼâ ə̀ pɛ̀ kɨ̀sə əta ə Mì ezə, M mə nyi ə ghənə fètəyn.”

Ŋwàʼlè ə̀ Mâk 16:14

Ə mòtə̀, Njisə̀s ə fɨnə tyə̂nə̀ ngɨŋ ə̀ vəyn sê chùmtè èpàm sə vəynse njò èmɔ̀ʼ mə ghənə zhiə ndò. È və zɔ̂ ghənə kûmə̀ nə ghənə tè kiva pomə̂zè, è kɨsè kə ghənə tè tə se pomə̂ nə ə fe vəyn mə è və zòmə̀.

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 20:26

Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Njɔyn 21:1

Ə kɛsə̂ pə̂, Njisə̀s ə fɨnə fɨə kwəynsə̂ ə chùmtè èpàm sə vəynse, ə etipì enjwì ə Tàypelyàsè. Ə̀ nyiə nyì kə È tè tyəyn ngɨŋə̂ Vəyn sê ghənə.

Njɔyn 21:14

Njisə̀s tè tyə̀yn ngɨŋ ə vəyn sê chùmtè èpàm sə vəynse elùʼ nə vɨnə mə, nə ə nyi tèshiŋə̀ tèta kə è kɛse zômə̀.

Njɔyn 7:13

Pîza wùə vîvè e wâmnə̀ va kûmə̀ vəyn ə ndayn, kûmə̀ nə ghənə tè fànə ə ghɨ ghaʼa ə Njûsə̀.

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Ŋwàʼlè ə̀ Pɔ̂l sê ghɨə Lûmghè 15:33

Ə Zhə̀fè ə pɔ̂ynèfè ə nyi ghâyn ghə̀ ghənə əkɨ̂m. Ə zə nyi ke zamə.

1 Kɔlìŋ 15:5

È və tə fɨ ə Pità ekyàʼ, ə fɨə ghɨətom ghə shi njòse pɛ̀.

Ɛfesùs 2:14

Klâys ə zùŋtè ghâsènì, ghâsènì e fɨnə pofə va. È və nə̀yn nə ghɨ Njûsə̀ è ghɨ ghɛ ə̀ vachi ə̀ghɨ ə Njûsghè ə nyi ke sə eghɛ èmɔ̀ʼ. È və kəʼsê kɨ̀ŋtè kɛ ə ke tè chyâsə ghâsènì èwiyn ə vəynve.

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

Filìpây 1:2

Zhə̀fè, Pɨ̀a sê ghâsènì yî Pɛ̂pɛ Njisə̀s Klâys fo ghàyn fùʼkè è pɔ̂ynè.

2 Tèsàlonikà 3:16

M tsə̂mə̀ nə Pɛ̂pɛ è ngɨŋə̂ vəyn vɛ ə è fo pɔ̂ynè, nə è fo ghàyn pɔ̂ynè, ə è və fo ndûə kə ndò ghàyn pɔ̂ynè, kɨ̀sə ə̀ kyàyn pî ghè. Ə Pɛ̂pɛ ə nyi ghâynghə̀ ghənə əkɨ̂m.

Ipilù 7:2

Aplàghâm ə zûŋtə̀ èfɨa vɛ ə è kyi fi eghɔ̀ŋ ə chyâtə̀ se epɨ̀as eghɨm ə fo apâs àmɔ̀ʼ sê Mèlkisendèk. Ghɛ əshi zɛ ə zə zɨnə nə Mèlkisendèk tyə̀nə̀ nyi nə, “Fɔ̀yn ə Chichi.” È tè nyi fɔ̀yn ə Salèm, mə ze tyə̂nə̀ nə, “Fɔ̀yn ə̀ pɔ̂ynè.”.

3 Njɔyn 1:14

M kwàʼtə̀ se pə fe ghô kè fa mtuʼlə̂. M pə̂, kə ghasè ghò fe shwi m̀shwi, ə kâte kɔʼ ndu ə̀ghɛ ətəynghe.

Etyə̂yn ə paynsêzè 1:4

Ŋwàʼlè zɨ̀nə ndò sê mi Njɔyn mə è ndùə sê ndɛ sə Fezhə̀sè esɛ̀mbɛ sɛ ə se nyi ə Esiyà. Ə Zhə̀fè tyəyn fùʼ ə vəynke sê ghàyn ə è nəyn ə ghàyn ə ndamə è pɔ̂ynè. Ə̀ nyi fəynfe ə fe nyi, mə fe tè nyiə nyi, pa nyi se tə pə̀yn. Fùʼkè è pɔ̂ynè nə zɨnə ndò pəyn kepî sezuʼ sɛ esɛ̀mbɛ ə se tyəm ə vəyn ashi ə fekyə̀ fə tefɔ̀ynfè,