Njɔyn 20:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Njɔyn 20:17 ပူးပေါင်းရင်းမြစ်များ

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 28:7

Ghàyn zaŋse ndu ke zôyn ə tsayn sê chùmtè èpàm sə vəynse nə, è və zòmə̀ mə è və kàynè ndu əshi ə Ngalìlî, ə̀ nyì fumə ə ghàyn nə̀ fe vəyn. Ghàyn pɨəyte ghɛ zɛ m tsâyn sê ghàyn.”

Ŋwàʼlè ə̀ Mâk 12:26

Zôyn, eghɛ kûmə̀ èzômə̀ ə ghɨ kwuze: ghàyn pâʼà tyə̂m tɔŋɔ ə Ŋwàʼlè ə̀ Mosîs ndiŋ kɛ ke wâmnə̀ kûmə̀ fèkaʼtə̀ fɛ ə wusve tè pɛ ə tə? Ə nyaʼ fumə nə, Zhə̀fè tè pi sê Mosîs nə, ‘M nyi Fezhə̀ fə Aplàghâmfè, nyi Fezhə̀ fə Azɨkfè, nyi Fezhə̀ fə Njàkɔ̂pfè.’

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Tom èchùŋ kè kə Lûk tè nyaʼ 10:4

Kə ghàyn nji kɛve pi shəyn àwaf. Kə ghàyn nji kwəynse sepfɨ sə ghòl shise. Kə ghàyn nji shîŋə̀kè se tɔŋtə wùə endom.

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 14:2

Ndɛ sə fètəynse tsɨ̂ə kə nyi ə pɨ̀a vɨ̂mvè ə ndɛ. M ndûə fumə se pɨaʼtê eluʼ sê ghàyn. Ə ze fè va nyi, mə M paʼà tsàyn sê ghàyn.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 20:27

È və pìə sê Tɔ̀mɔ̂s nə, “Ndə̀m paŋ fɛfe aghofe fâyn elùʼ ə naynə̂ ə̀gho ghɨmghə. Nɛ̀se pə̀yn gho kɛke ə ndə̀mə̀ ə mi etipì. Pomə, kə ò fɨyn mɛnê kɨsè, pomə.”

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

2 Kolìŋ 6:18

ə mə nyi Pɨ̀a sê ghàyn, ə ghàyn ə nyi ə̀ ghɔyn ghɨmghe ndomə̀ghè è ghe zəynghe, ə̀ pi Fezhə̀, pɛ̀ àtyaʼ akɨ̂m.”

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ipilù 11:16

Ghənə tè pɨlə kyiŋə èndaʼ ze tsɔ̂fə̀ tsɛ̂ ze mə, mə za nyi endaʼ ekwùtwəyn. Ghənə tè tɔŋtə̂ Fèzhə̀ nə Zhə̀fè ghənə̂fè, fe ghomə̂ va nə ə tɔŋtə̂ zhi zamə. Ghâsènì nyiə ke nyi kûmə̀ nə fe nyi mə fə pɨaʼtê ndəm tɔ̂ŋ èghaʼâ se ghənə.

Ipilù 8:10

Ə̀ mɨ̂nə̀ nyi mkâyn mɛ ə m tə zhiə ghasè ghɨə Isìlâyghè ə mtuʼ mɛ ə m̀ nyì se tə pə̀yn, ə̀ pìə Pɛ̂pɛ M nə̀ ndə̂mə̀ elwɔ̂ŋ vɨmve ə ghənə ə tekwàʼtè ə m nyaʼ vəynve ə ghənə ətəm. M tə nə̂ m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Etyə̂yn ə paynsêzè 21:3

Mə fɨnə zɨə kyə̀ è tɛ zhîzè kə è fɨ pə̂yn əfekyə̀ fə efɔ̀yn fɛ̂, è zə pìə sê mi nə, “Fekə, Zhə̀fè ndamə yî ghə̀ ghɨ zôyn. Fe nə nyi yî ghə̀ ghənə, ghənə e nyi ə̀ghɨ vəynghe. Zhə̀fè è ngɨŋ vəyn nə nyi yî ghə̀ ghənə, nyi Fèzhə̀ fə ghənə̂fè.

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.