Njɔyn 20:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Njisə̀s ə ke tɔŋtə vəyn nə, “Mèli!” Mèli ə feʼtə̂ naynə̂ Njisə̀s ə pɨa pîə ewàmnè ə Ipilò nə, “Làponi!” (Mə e tyə̂nə̀ nə, “Tyə̀ynsè.”)

Njɔyn 20:16 ပူးပေါင်းရင်းမြစ်များ

Matyò 14:27

Pîza kè sə ashìŋə̀ Njisə̀s ə wàmnə̀ sê ghənə ə pìə nə, “Ghàyn kyi təmə, ə̀ nyi Mi; kə ghàyn fayn.”

Ŋwàʼlè ə̀ Mâk 10:51

Njisə̀s ə pfɨfə sê vəyn nə, “Ò kyiŋə nə m ghayn ghe sê ghò ə?” È və pìə nə, “Tyə̀ynsè, nə̀yn nə ə mə kɛsə̂ fe tèluʼ.”

Tom èchùŋ kè kə Lûk tè nyaʼ 10:41

Pɛ̂pɛ ə tɔŋtə̂ vəyn ə pìə sê vəyn nə, “Maltà, Maltà, ghɛ nyiə fo ètsôs sê ghò, tsɨ̀ə kə nyi.

Njɔyn 1:38

Njisə̀s ə kə̀mnə̀ èwiyn, ə fe kə ghənə chûmtə̀ Vəyn, ə pfɨfə nə, “Ghàyn kyiŋə ghè?” Ghənə ə pə̀ynsə̀ nə, “Ò ndamə ghayn ə Lapày?” (Lapày zɨ̀nə tyə̀nə̀ nə, Tyə̀ynsè.)

Njɔyn 1:49

Nàtanyèl ə pə̀ynsə̀ nə, “Tyə̀ynsè Ò nyì ke nâʼà Vâ ə̀ Fèzhə̀! Ò nyi fɔ̀yn ə̀ Isìlây!”

Njɔyn 10:3

Wùə vɛ ə è tsɨ̀ŋnə̀ cho mbàyn nə zɛ ə è chwi cho əndɛve sê vəyn. È tɔŋɔ nâʼàpî ndzè èkè kə zə̂ynzè ezə, è və njìə fɨə è səynse.

Njɔyn 11:28

Ə pə̀ kə Maltà pì zɨnə mə, e və kɛsə̂ ndûə ə nyaʼtə̂ tɔŋɔ ànyìə vəyn Mèli ə pìə sê vəyn nə, “Tyə̀ynsè ə pə̀yn pfɨfə ghò.”

Njɔyn 13:13

Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 5:2

Etipìə echondɛ ə mbàyn ə̀ sèpfɨ ə Njèlusalɛ̀m, ndɨla tè nyîə nyi fumə è luʼte kwiə tsɛ te tâyn. Ewàmnè ə Ipilòzè, e tɔŋtə̂ nə Pɛtzatà.

Njɔyn 6:25

Kə ghɨ ətəynghe tè fe Njisə̀s apàs enjwì əmɔ̀ʼɔke, ghənə ə pìə sê Vəyn nə, “Tyə̀ynsè, ò pə̀yn zɨ̂yn fa ə?”

Ətefɨ̂aʼ 10:3

Ə tè nyi tuʼ fîfe, ə sechwìə sèta mə chwi ə pɔ, è və fe ətelaynəlayn, fumə ə telaynəlayn è və fe paynsə̂ tsì ə̀ Fèzhə̀. E zə tɔŋɔ̂ vəyn nə, “Kɔ̀nilùs.”

Ətefɨ̂aʼ 9:4

È və pfɨə ə chi ə zɨə kə kyə̀ pì sê vəyn nə, “Sɔ̂l, Sɔ̂l, ò tsə̀fsə̀ mi nyi kûmə̀ghè?”