Njɔyn 20:1 - Ŋwàʼlè ə̀ Fèzhə̀ Mkâyn Mə̂ Fèm

¹ Nâʼà pɨsə̀pɨ̂sə̀ ə Sɔndè, lɨmke e pa fɨ̂mə̀, Mèli Màkndàlɛ̂n ə ndò ndûə ə Njisə̀s eshyə̀ eghaʼâzè ə fe mə ə pɨŋsê tsɨ̂sè naynke echo èshyə̀.

Njɔyn 20:1 ပူးပေါင်းရင်းမြစ်များ

Matyò 27:56

Ə ghənə fètəyn tè nyi, Mèli və̂ Màkndàlɛ̂n, è Mèli nyìə Njə̂m yî Njosɛ̀f, è zhwiə ə̀ Zepɛndì.

Matyò 27:60

ə ndùə pfɨ̂mə̀ vəyn eshyə̀ mə tɨm ə fètə̂ ànayn. Shyə̂ eghaʼâ ətəynze tè nyi eshyə̂ eghaʼâ efeze kə Njosɛ̀f tè kyi. Epàm ətəyn è və chiynə èchi eghaʼâzè se fìyn echo eshyə̀ eghaʼâ ətəynze ətəyn ə ke ndò.

Matyò 27:64

Fo tyaʼa zôyn nə ə fɛtə̂ tsɨ̂ŋnə̀ èshyə̂ eghaʼâ ə vəynze se zaʼâ kə tuʼmè m̀ta pəyn tsɛ, endom kə chùmtè èpàm sə vəynse nə̂ tàʼa kyiə endom se nduə chɔŋ ewiynə vəyn, se tsàyn se ghɨə nə è və zòmə̀ ekwu. Ə kaŋ nə kɨ̂ynə̀ ə ghaʼa tsɛ̂ kɛ ə è tè wam sə shi.”

Matyò 27:66

Ghənə ə ndùə ə ndə̀mə̀ chwìə fumə etûə echi zɛ ə ze tè nyì fumə echo àpùʼ kə ezhoghɛ ə wùə pə̀yn ŋaʼse, ə ghənə fe kê. Ghənə ə zà sokə̀ʼ fumə nə è zə naynə̂ ndɔ̀ʼɔ pəyn chɔŋ èpfɨyn ə Njisə̀szè.

Matyò 28:1

Ə pə̀ kə tuʼ endaʼve tsɛ̂, ə Sɔndè nâʼà epɨsə̀pɨsə̀, Mèli Màkndàlɛ̂n è Mèli ə nyìə Njə̂m yî Njosɛ̀f ə ndùə se naynê eshyə̂ eghaʼâ ə Njisə̀szè.

Matyò 28:2

Kè nyi, chike ə nə̂ʼə̀ nâʼà sə ŋaŋ, tsì ə̀ Pɛ̂pɛ ə tso pə ekwùtwəyn, ə pɨŋsə̂ tsɨsə̀ èchi zɛ ə ze tè nyi echo èshyə̀, ə tsɨsə̂ etûə təyn.

Ŋwàʼlè ə̀ Mâk 15:46

Njosɛ̀f ə zhɔnə àmbɛlaŋ ə koytə̂ è pfɨnə Njisə̀szè ətəyn. È və pfɨ̀mə̀ eshyə̀ zhîze mə ə tsof anayn. Epàm ətəyn è və pɨŋsə̂ èchi eghaʼazè ə fìnə̀ ècho eshyə̀ eghaʼâzè ətəyn.

Ŋwàʼlè ə̀ Mâk 16:9

Kə Njisə̀s tè pɨse zômə̀ ə Sɔndè, È və tyə̀nə̀ ngɨŋə̂ Vəyn sə shi sê Mèli Màkndàlɛ̂n. Ə̀ nyi wùzhɔyn nə vɨnə ə Njisə̀s tè chùm fɨse tèpamə̂ tə satàyntè esɛ̀mbɛ̂ ə vəyn ewìyn.

Njɔyn 11:38

Njisə̀s ə ndùə tâynə̀ ə Lazalùs echo èshyə̀, ghɛ ətəynze e pa fo kə ndò ngəʼ se vəyn. Shyə̂ eghaʼâ ətəynze tè nyi mə tsof ətə̂ ànayn ə kɨlə ècho ətəynze è chize.

Njɔyn 11:41

Ghənə ə njìə tsɨ̀sə̀ èchi ətəynze. Njisə̀s ə naynə̂ kɔʼsə è Kwùtwəyn ə pìə nə, “M fo àzɔ̀ŋnè kɛke ə Pɛ̂ kûmə̀ nə ò ndamə zɨə ndò tsə̂m zɨmze,

Njɔyn 19:25

Ghɨ ghɛ ə tè tyəm paʼsê ə Njisə̀s awâmnè tè nyi nyìə Vəyn, è ànyìə nyiə Vəyn ve zhɔyn, è Mèli ə zhwiə Klopàs è Mèli Màkndàlɛ̂n.

Njɔyn 20:26

Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Ətefɨ̂aʼ 20:7

Ə̀ tè nyi ashìŋə̀ ezhwikwɨləke etuʼ ə shive ə ngâm, ghàs ə zùŋtə̀ se zhi, Pɔ̂l ə zhə̀tə̀ se zaʼlê əghɨ, ə nə̀ zaʼlə kə nyi ə zaʼâ əfètəyn ètuʼ kə è tè se nyi se pɨəysə̂ ndò etuʼe komtə̂ əmɔ̀ʼɔve.

1 Kɔlìŋ 16:2

Nâʼàpî ə fetuʼ fe kɔʼsə fèkè, nâʼàpî ndè ə ghàyn ə fè təyn kyi se ndə̀m ekɛ vîve, ə fètə̂ àfɨa kɛ ə è nyi mə è və kyî se fɛtə ndə ndə̀m kə ə nə nəyn ə ndəʼə̀ kwîə fitə̂ chîəva kɛve ashìŋə̀ kɛ m pə̂yn.

Etyə̂yn ə paynsêzè 1:10

Ə̀ tè nyi ə Pɛ̂pɛ ə fetuʼ, zuʼsə Fezhə̀sè ə njiə ə mì ewìyn mə zɨə kyə̀ ètɛ kə esɔŋ ə tɔŋ ə mì epàm,