Njɔyn 2:22 - Ŋwàʼlè ə̀ Fèzhə̀ Mkâyn Mə̂ Fèm

²² Kə Njisə̀s tè kwu Zhə̀fè ə kɛsə̂ zômsə̀ Vəyn, chùmtè èpàm sə vəynse ə kwàʼtə̀ nə è və tè pì ke nâʼà nyi ə ke pomə eghɛ zɛ ə Ŋwàʼlè ə̀ Fèzhə̀ pìə, è ghɛ ghɛ ə Njisə̀s tè pìə.

Njɔyn 2:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 24:26

Wùə vɛ ə Zhə̀fè chɔʼ ndə̂m tè va se nə fe ngəʼ tsɔ̀fə kə è nji ə vəyn elùʼ epomsə və?”

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 12:16

Ə̀ tè nyì kə ghɛ nə ghɨyn kyàynə̀, chùmtè èpàm sə Njisə̀sè e fe kê va. Pîza kə Njisə̀s zòmə̀, ə kɛse ndùə elùʼ epomsə ə vəynve, ghənə ə ke Pɨ̀əytè nə ə̀ nyi əghɛ mə ə tə nyàʼ kûmə̀ vəyn nâʼà ə̀kɨ̂m, ghɨghe ə fɨnə nə̂ kə za sê vəyn.

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 16:4

M tsâ ə̀ghɛ nə ghɨ̂yn sê ghàyn kə ə ghe tə kyâyn, ə ghàyn kwaʼte nə mə tè tsàyn sê ghàyn. M tè paʼà tsàyn ghɛ ghɨ̀nə se ghàyn ə zhə̀te, kûmə̀ nə M tè nyì ghâsènì.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 2:17

Chùmtè èpàm sə vəynse ə ke Pɨ̀əytè nə ə nyàʼ ə Ŋwàʼlè ə̀ Fèzhə̀ nə, “Kɔ̂ŋ zɨm sê ndɛ Zɛ̂zè ə Zhə̀fè fuə ə mì ətəm kə ewus.”

Njɔyn 2:2

Njisə̀s è chùmtè èpàm sə vəynse e nyi mə ə tɔŋə̂ kepî ghənə fumə ə malə̂.

Ətefɨ̂aʼ 11:16

Mə ke pɨ̀əytè eghɛ zɛ Pɛ̂pɛ tè pi. È tè pi nə, ‘Njɔyn tè fo mmo sê ghɨ è mô mə̂ tsòm, pîza ə tə fo mmo sê ghàyn è Zuʼse Ŋwaʼase.’

Ətefɨ̂aʼ 13:33

Tsɨ̂nè nə zɨ̂nə ə kɔʼ kwəyn sê ghàs ghɔ etɔ̀ŋ ə ndɛ ghənə̂ghè, endom nə Zhə̀fè ə tə nə̀yn Njisə̀s ə zòmə̀. E nyi ke èghɨ kə nyi mə nyàʼ əfètəyn àkùmte ə ŋwàʼlè ə̀ sè Njàŋkè nə: ‘Mə njì ghò sə mìə Vayn, se zhə̀tə̀ ndàyn, m nə nyi Pɨ̀a vɛ̂vè.’