Njɔyn 2:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ ə tsɛ̀sə̀ àlâŋ sê ghɨ ghɛ ə tè pəʼlə kwɨ̀lə̂m nə, “Ghàyn nji fɨ è mənə̀m fàyn! Ghàyn ə kə̀mnè ndɛ ə̀ pɨ̀a vɨ̂m sə elùʼ ezhɔyn!”

Njɔyn 2:16 ပူးပေါင်းရင်းမြစ်များ

Matyò 21:12

Epàm ətəyn, Njisə̀s ə njiə ə Ndɛ Ètsə̀mə sè chûmə̀ fɨsə̂ ə̀ghɨ ghɛ ə ghe tè zhɔnə, pəʼlə̂ nâʼà ə̀kɨ̂m. È və pɨŋsə̂ maʼà èlwɔ̂ŋ əghɨ̀ ghɛ ə ghe tè kwiynə kɛve ə pɨŋsə̂ maʼà kəpî mkyə̂ mə ghɨ̀ ghɛ ə tè pəʼlə kwɨ̀lə̂m.

Matyò 21:13

È və pìə sê ghənə nə, “Ə nyaʼ ə Ŋwàʼlè ə̀ Fèzhə̀ nə, Zhə̀fè pi nə, ‘Ə tə nə̂ ə tɔŋtə̂ ndɛ zɨ̂m nə ndɛ ètsə̀mə.’ Pîza ghàyn ghe kɛse zôyn sə ‹Elùʼ ə ghɨ̀ echɔŋəve.›”

Matyò 22:5

Pîza ghɨ ghɛ ə tè tɔŋɔ ə tàʼa ndə̀mə atu eghɛ nə zɛ, nâʼàpi ndè e fɨə ndùə kə vəyn elùʼ. Ghɨə mɔ̀ʼɔghe ə səʼə ə ghənə mfùʼ, yîghe ə ndò ndûə ə ghənə ətelùʼ tepəʼləte.

Ŋwàʼlè ə̀ Mâk 11:17

ə nə̀ pî e zaʼlê ghənə ə ke pfɨf nə, “Piə ə nyàʼ ə Ŋwàʼlè ə̀ Fèzhə̀ nə, ‘Ghɨ tə tɔŋtə̂ ndɛ zɨ̂m nə ndɛ ètsə̀mə sê ghɨ mbighe əkɨ̂m ə?’ Pîza ghànə kɛse zə̂yn zôyn se elùʼ ə ghɨ e chɔŋɔve.”

Tom èchùŋ kè kə Lûk tè nyaʼ 2:49

È və pfɨfə sê ghənə nə, “Ghàyn fè kyiŋə zayn mi elùʼ ə ndô və? Ghàyn fè mɛ ndô nə m kyi sə̂ nyi ə̂ Pɨ̀a vɨ̂mvè ə ndɛ ə̀?”

Njɔyn 10:29

Ghɨ ghɛ ə Pɨ̀a Vɨm fo sê Mi nyîə ngaŋtə̂ tsɛ nâʼàpî ghè, mə wùə vayn kyiə fiə ghənə ə Pɨ̀a Vɨ̂mvè ə gho.

Njɔyn 2:15

È və pɛ wàyn è kwɨ̀l ə pusə chûmə̀ fɨsə̂ nâʼà ə̀ghɨ əkɨ̂m paʼsə̂ è ndzè sə ghənə̂sè è mbɔ̀lɔʼse. È və pə̀ŋsə̀ maʼà èlwɔ̂ŋ əghɨ̀ vɛ ə tè kwiynə kɛve,

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

Njɔyn 8:49

Njisə̀s ə pìə sê ghənə nə, “M kyi va pamə̂ ə satàynzè. M ngɨmnə̂ Pɨ̀a Vɨm, pîza ghàyn ngɨmnə̂ va Mi.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.