Njɔyn 19:9 - Ŋwàʼlè ə̀ Fèzhə̀ Mkâyn Mə̂ Fèm

⁹ È və kɛsə̂ njîə njiə è Njisə̀s ə tɔʼ ə pfɨfə sê Vəyn nə, “Ò ndò nâʼà ghayn?” Njisə̀s ə tàʼa pì eghɛ.

Njɔyn 19:9 ပူးပေါင်းရင်းမြစ်များ

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 27:27

Sokə̀ʼse ə Paylɛ̀tsè ə ke njiə nji è Njisə̀s əfètə̂ tɔʼ, nâʼà sokə̀ʼ sekɨ̂m ə pə̀ zûŋtə̀ ka ə Njisə̀s ə ngwùŋ.

Tom èchùŋ kè kə Lûk tè nyaʼ 23:9

È və njiə ashîŋə̀ ə pfɨftə̂ əghɛ sê Njisə̀s pîza è və tàʼa pəynse nâʼà emɔ̀ʼ.

Njɔyn 18:28

Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Njɔyn 18:33

Paylɛ̀t ə kɛsə̂ njiə ə tɔʼ ə pfɨfə sê Njisə̀s nə, “Ə̀ nyì Ghô fɔ̀yn ə̀ ghɨə Njûsghè ə?”

Njɔyn 18:34

Njisə̀s ə pə̀ynsə̀ sê vəyn nə, “Pfɨf zɨ̀nə ndò sê ghò mə ghɨə mɔ̀ʼɔ tsayn ndô se ghò kûmə̀ Mi ə?”

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 19:10

Paylɛ̀t ə pfɨfə sê Vəyn nə, “Ò pə̀ynsə̀ va mi ə? Ò ke va nə m kyi ndô tyaʼa se pì nə ə za ghò è kɨ̀sə se pì nə ə paynte ghò ə awâmnè ə?”

Njɔyn 19:8

Kə Paylɛ̀t zɨə za, fâynzè ə pɨlə ko vəyn.

Njɔyn 8:14

Njisə̀s ə pìə sê ghənə nə, “Ngaŋ. Pî kə m wâmnə̀ kûmə̀ ngɨŋ Zɨ̂mzè, ghɛ zɛ ə M pîə nyi ke nâʼà səmɔʼ, kûmə̀ nə M ke ndô luʼ vɛ ə M ndô ətəyn, ke eluʼ vɛ ə M ndùə ətəyn. Ghàyn ke va luʼ vɛ M ndô ətəyn kɨ̀sə eluʼ vɛ M ndûə ətəyn.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.