Njɔyn 19:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kə ghɨkɔʼsə nə eshyə̀ ə ngaŋtə è ghɨə fɨaʼa Ndɛ Ètsə̀mə fe Vəyn, ghənə ə puʼlə̂ ndûə kə m̀pɔ̂ŋ nə, “Paynte Vəyn ə awâmnè! Paynte Vəyn ə awâmnè!” Paylɛ̀t ə pìə sê ghənə nə, “Ghàyn nji Vəyn ə ghàyn ndu payntê. M pâʼà fe ghɛ zɛ ə è pofse.”

Njɔyn 19:6 ပူးပေါင်းရင်းမြစ်များ

Matyò 26:58

Kə tè njiə ndô ndûə è Njisə̀s, Pità tè chûmtə̂ ndûə Vəyn sə aghaf, se zaʼâ kə ndu fɨ ə Kayfàs etipìə àpɨəyn. Kə ghənə ndû fɨ fumə, Pità ə njiə fumə apɨəyn. Ə tsɨsə̂ fu yî ghə̀ ghɨ tsɨ̂ŋnə ndɛ ètsə̀məghe, se fe kə saʼà Njisə̀s nə̀ mîə.

Matyò 27:22

Paylɛ̀t ə pfɨfə sê ghənə nə, “M se kwi zàyn è Njisə̀s vɛ ə tɔŋtə nə Klâys ə?” Ghənə ə pìə kə ə̀kɨ̂m nə, “Ə paynte vəyn ə awâmnè!”

Matyò 27:24

Kə Paylɛ̀t tè fe nə ə̀ nyi e njìsè ashìŋə̀zè sə pfɨftə̂ ə̀ghɛ se ghənə fânə̀ nə ghɨ ətə kaʼa ghɨ pəyn ènôzè, è və njìə eluʼ mmòve ə shùə ə̀gho ə vəynghe ə nɔ̂ynkè əshi, ə pìə nə, “M kyi va ghɛze kûmə̀ èkwu ə wùə vɨ̂ynəze. Ə̀ ke ke ghàyn.”

Tom èchùŋ kè kə Lûk tè nyaʼ 23:4

Paylɛ̀t ə ke pì se ghɨkɔʼsə nə eshyə̀ ndɛ ètsə̀mə è nɔ̂yn ə ghɨ vɛ ə ve tè nyi fu nə, “M fe va nâʼà eghɛ epi zhize ə wùə vɨ̂nə nəyn.”

Njɔyn 18:3

Njondàs ə ndùə fumə afùʼ mə è və njì nɔ̂yn ə sesokə̀ʼ ə Lûmkè, è ghɨə tsɨ̂ŋnə nə Ndɛ Ètsə̀mə əmɔ̀ʼɔ mə tom əghɨə kɔʼsə nə eshyə̀ ə ngaŋtəghe è ghɨə Falàsîə. Ghənə tè nyi mə ə pɨ̀aʼtè lâmsè, keytə̂ m̀wus ə njìə efɨa eghɔ̀ŋve.

Njɔyn 18:31

Paylɛ̀t ə pìə sê ghənə nə, “Ghàyn nji saʼ Vəyn sə ghàyn ə ngɨŋ kə lâŋ endaʼ kaynke tyə̂nə̀.” Ghɨ Njûs nə ghɛ ə pìə sê vəyn nə, “Ghàs kyi va tyaʼa se zhwiə wùə.”

Njɔyn 18:38

Paylɛ̀t ə pfɨfə sê vəyn nə, “Səmɔʼ nyi nə ghe?” Kə Paylɛ̀t pfɨf zâ, ə kɛsə̂ fɨə ndûə ə pɨəyn ə pìə sê ghɨ Njûs ghɛ nə, “M pâʼà fe ghɛ zhîze ə wùə vɨ̀nə nə̀yn pofse.

Njɔyn 19:15

Pîza ghənə ə pɨa pîə kə nə, “Zhwi Vəyn! Zhwi Vəyn! Paynte Vəyn awâmnè!” Paylɛ̀t ə pfɨfə sê ghənə nə, “Ghàyn kyiŋə nə m paynte fɔ̀yn vâyn və awâmnè ə?” Ghɨkɔʼsə nə eshyə̀ ə ngaŋtəghe ə pìə nə, “Ghàs kyi va fɔ̀yn vîvè, ə̀ tsɛ̂ kə va Kaysà.”

Njɔyn 19:4

Paylɛ̀t ə fɨnə fɨə kwəynsə̂ pə̂ ə pìə sê ghɨ Njûsə̀ ghɛ nə, “M njiə fɨə pə̀ è Vəyn sê ghàyn kə ghàyn ə ke nə m pâʼà fe ghɛ zɛ ə è pofse.”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 7:52

Ə̀ nyi fɨ̀aʼtè èkè ə ghə̀pɨ̀a ghayn ghəshiə tè tàʼa fo ngəʼ sê zə̂yn ə? Ghənə ə tə zhwitê ghɨətom ə Fezhə̀ nâʼà ə̀kɨ̂m etuʼ ə shi. Ə̀ nyi ghənə ə tè tsayn pə̂ ə wùə Chichi ə̀ Fèzhə̀zè. Ə̀ nyi Vəyn vɛ ə ghàyn pəʼle ə fɨnə zhwiə.