Njɔyn 19:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Ə tè paynte Njisə̀s elùʼ, fûʼkè e nyi paʼsê fu. Shyə̂ eghaʼâ efeze tè nyì fu afùʼ, ndɔ̀ʼɔ ə tyəm pfɨ̂mə̀ wùə ətəyn.

Njɔyn 19:41 ပူးပေါင်းရင်းမြစ်များ

Matyò 27:60

ə ndùə pfɨ̂mə̀ vəyn eshyə̀ mə tɨm ə fètə̂ ànayn. Shyə̂ eghaʼâ ətəynze tè nyi eshyə̂ eghaʼâ efeze kə Njosɛ̀f tè kyi. Epàm ətəyn è və chiynə èchi eghaʼâzè se fìyn echo eshyə̀ eghaʼâ ətəynze ətəyn ə ke ndò.

Tom èchùŋ kè kə Lûk tè nyaʼ 23:53

Paylɛ̀t ə pomə. È və ndùə tsosə̂ awâmnè ə koytə̂ e mbɛlaŋa, ə ndùə pfɨ̂mə̀ eshyə̀ eghaʼâ zhîze mə ə tsɨ anayn, shyə̂ ətəynze nyi mə ə pâʼà tyəm pfɨ̂mə̀ wùə ətəyn.

Njɔyn 19:42

Kə tè se nyi etuʼ vɛ ə ghɨ Njûsə̀ tè pɨaʼtə sê tuʼ endaʼve, shyə̂ eghaʼâ zɛ e nyi paʼsê kepî fu, ghənə ə ndə̀mə̀ èpfɨyn ə Njisə̀svè ətəyn.

Njɔyn 20:15

Njisə̀s ə pfɨfə sê vəyn nə, “Wùzhɔyn ò chîə ghè? Ò kyiŋə ndè?” Mèli e sè kwâʼtə̀ nə ə̀ nyi wùə vɛ ə è fɨ̀aʼà afùʼ fumə, ə pìə sê vəyn nə, “Ə̂ nyi mə ə̀ njì ndô ghò èpfɨyn ə vəynve ə Pɛ̀ apɨəyn, ò tsà eluʼ vɛ ə ò ndù ndə̂m vəyn ətəyn sê mi, kə m kɛse ndu nji.”