Njɔyn 19:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ È tè nyì yî Nìkòndemùs vɛ ə è tè ndù môtè Njisə̀s etuʼve zâ. Ghənə ə njìə nduə è ngwɨl me lɨ̀mtə̂m se fɛte ewiyn ə Njisə̀svè ətəyn. Ə tè fɛte mngwɨl mə təynmè è mɨa è kɨsè alòs. Ngwɨl mə təynm̀ tè nyì se zaʼâ ngɔ̀ʼsè mghɨm ta njòse tâyn.

Njɔyn 19:39 ပူးပေါင်းရင်းမြစ်များ

Matyò 12:20

È tə kəmə va Sɛfe mə fə ngɨmə̂, è tə ndɨmə va lâm ashîŋə̀ kɛ è kyiŋə se ndɨmə̂ È tə nə̀ zɨnə mə se zaʼâ kə ghɛ echûŋə̀ ghə nyi ghɛ ə ghe chisə.

Matyò 19:30

Pîza tsɨ̀tsɨ̂ ə̀ghɨ̀ ghɛ ə ghe nyi əshi zôyn, tə pə̂ ə nyi epàm, ə ghɨ ghɛ ə ghe nyi epàm zôyn tə pə̂ ə nyi əshi.”

Matyò 2:11

Ghənə ə njiə ndûə ə ndɛ. Kə ghənə nji, ə fe vayn yî nyìə vəyn Mèli. Ghənə ə tɨmə ə̀ndzɨs ə və shi ə ngɨmnə̂ vəyn. Ghənə zhə̀nə̀ sèshəyn sə ghənə̂sè ə fo èmâʼte, ə ngôlè, è ngwɨl mê lɨ̀mtə̂ mê chùŋə̀m e tɔŋtə̂ nə flaŋkyiŋsèyn, è mâyl, sê vəyn.

Ŋwàʼlè ə̀ Mâk 16:1

Ə̀ tè nyi kə tuʼ endaʼve tsɛ̂ Mèli Màkndàlɛ̂n, Sàlomè, è Mèli nyìə Njə̂m, ə zhɔnə m̀ngwɨl me lɨ̀mtə̂m se ndùə kɨmnê epfɨyn ə Njisə̀svè ətəyn.

Njɔyn 12:3

Mèli ə njìə fèmbùʼtə̀ fə mngwɨl mə èlɨ̀mtə̂m, m lɨ̂mtə̀ tsɔ̂fə̀ kə nyî, tɛ èkɛve nâʼà àchûŋ. Ə tè fɛte mngwɨl mə təynmè è nât. Ə kɨmnə̂ ə Njisə̀s əghòl ə zə̂sə̀ è nyuŋ sə atu sə vəynse. Zuʼə̀ mngwɨl ətəynke ə lɨ̀mə̀ kə ndɛ èkɨ̂m.

Njɔyn 12:7

Njisə̀s ə pìə nə, “Ghàyn za ke wùzhɔyn vɨnə nyî!, È tè ndə̀mə̀ mngwɨl nə mɨ̂yn se tə kɨmnə mi etuʼ vɛ ə pfɨ̂mə̀ mi ətəyn.