Njɔyn 19:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Sokə̀ʼ vîvè èmɔ̀ʼ ə pɨlə njîə èghɔŋ ə tsuʼə pùʼə̀ etipìə Njisə̀szè, kè sə ashìŋə̀, ndə̂m è môm ə pɨ̀a fɨə.

Njɔyn 19:34 ပူးပေါင်းရင်းမြစ်များ

Matyò 27:62

Tuʼfe komtəfe ə zo pə mə tè nyi etuʼ endaʼ, ghɨə kɔʼsə nə eshyə̀ è ghɨ Falàsîə ə ndùə kwəynə̂ yîghə̀ Paylɛ̀t

Njɔyn 19:33

Pîza ə pə̀ se Njisə̀s, ə fe mə è və kàynè kwu, ə tàʼa kəmtə tefɨəyntə Vəynte.

Njɔyn 20:20

Kə è wàmnè zâ ə ke tyə̀yn əgho vəynghe è tipì ə vəyn sê ghənə. Chùmtè èpàm sə Njisə̀sè tè fe Vəyn sè saŋnə̂ nâʼà sə ŋaŋ.

Ətefɨ̂aʼ 22:16

Pî zôyn nyi, ò lɨmtə̂ ghè? Ndwi kɔʼ ə fiə m̀mo kə ə shu tsɨsè sèpi sɛse, mə ò tsə̀mə̀ ndûə sê Vəyn.›

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 9:13

Ə̀ tè nyi sə shi, mə wùə zo va endom endam endaʼze, ə njìə mndəm mə pfɨm è mə nyàm ə̀mbɔ̀lɔʼmè e ndômə̀ ə fɨnə njìə àpfɨchia ə va nyàmkè kə ə nyɔ̂ʼɔ̀ ə wàŋtə̀ ə vəyn ewìyn. Ə ghənə nə̂yn nyi, ze ə shùə ghənə ə nə̀ nə wîyn mə ghənə̂ mè ə zo ə pɨəyn.

Ipilù 9:22

Ə̀ tè nyi etuʼ vɛ ə Lâŋà chisə ghɨ, ə̀ tè kwùʼ nyi ke m̀fɨa m̀shàʼ nyi ə tè shùə va è ndə̂mə̀, mə ə vayn kaʼa lɛse fo pi mə ə paʼà tsosê ndə̂mə̀m.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

1 Njɔyn 5:6

Ə̀ nyi Njisə̀s Klâys nə vɨ̂yn ə è ndò ekwùtwəyn ə pə̀ ə chi, ə fiə m̀mo ə fɨnə kwuə ə tsosə̂ m̀ndəm mə Və̂ynmè. È tè pâʼà fi ke môm, è və tè kwu kepî ə sɨsə m̀ndəm mə Və̂ynmè. Ə̀ nyi Sèzuʼ se Ŋwaʼase ə se tyəm tsɛ̀ èsaʼ sê ghɛ nə ghɨyn kûmə̀ nə Zuʼse Ŋwaʼase wamə va kaŋke.

1 Njɔyn 5:8

Ghe nyi kepî ə̀ ta ə ghe tyəmə tsɛ̀ èsaʼ fa chi, ə Sezuʼ, è môm è kɨsè ndə̂mə̀m. Ghɛ nə ghɨnə mə ə ta e pomə̂ èghɛ èmɔ̀ʼ ghâsènì kê səmɔʼ kûmə̀ Njisə̀s kûmə̀ nə Zuʼse tsâ ndò sê ghâsènì, ghâsènì nyîə ke nə ə tə fo môm sê Njisə̀s è môm, È və sɨ̀sə̀ m̀ndəm mə vəynm̀ kə È tè kwu. Ndom tɨ̀nə tèta tyə̂nə̀ nə Klâys nyi Vâ ə Fèzhə̀.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.